Տեղեկատվական կենտրոն
Նորություններ
Արցախցի դպրոցականներն այս տարի ևս ամառային հանգիստ կանցկացնեն մարզի ճամբարներում
20.07.2017
Լոռու մարզի և ԼՂՀ Մարտակերտի վարչական շրջանի համակողմանի փոխհամագործակցության շրջանակներում արդեն մի քանի տարի Լոռու մարզի մանկական ճամբարներում իրենց ամառային հանգիստն են անցկացնում նաև արցախցի դպրոցականները: Նրանց առաջին խումբը մարզ ժամանեց այսօր: Մարզպետ Արթուր Նալբանդյանի աջակցությամբ 14 արցախցի դպրոցականներին և նրան ղեկավարին այս անգամ հյուրընկալեցին «Գուգարք» ճամբարում: Լոռու մարզպետարանի աշխատակազմի ղեկավարի տեղակալ Վալերի Խաչատրյանը ճամբարի մանկավարժներն ու ջոկատավարները, մտերմիկ հյուրընկալությամբ դիմավորեցին դպրոցականներին ու մանկավարժին, ովքեր մեկ շաբաթ կհանգստանան ու կկազդուրվեն չքնաղ բնության գրկում գտնվող ամառային ճամբարում: Վ. Խաչատրյանն ասաց, որ մի քանի օր անց նրանց համար էքսկուրսիա կկազմակերպվի դեպի մարզի տեսարժան վայրեր, իսկ արցախցի դպրոցականների երկրորդ հերթափոխը մարզ կժամանի հուլիսի 27-ին՝ ամառային մեկշաբաթյա հանգիստ անցկացնելով Գուգարաց թեմի «Ծիծեռնակ» ճամբարում: