Լոռու մարզպետի աշխատակազմ

 Մեծ Պարնին Լոռու մարզի այն առաջատար համայնքներից է, ուր տարեցտարի առաջընթաց ցուցանիշների են հասնում ցանքադաշտերի արդյունավետ օգտագործման առումով: Այս տարի բերքի տակ է դրվել 1350 հեկտար հողատարածք, որը մշակման ենթակա ընդհանուր տարածքի 90 տոկոսն է կազմում (մարզի միջին ցուցանիշը 78 % է): Համայնքի ֆերմերներն արդեն ավարտել են գարնանացանի աշխատանքները: Այստեղ բարձր բերքի ակնկալիքով ավարտվեցին նաև 180 հեկտար կարտոֆիլի ցանքի աշխատանքները:
-Ընդհանուր առմամբ մարզում կատարվել է շուրջ 14 հազար հեկտար հացահատիկի, կարտոֆիլի, բանջարանոցային և կերային մշակաբույսերի ցանք: Ցանքադաշտերը հարստացվել են անհրաժեշտ քանակությամբ ազոտական, ֆոսֆորական և կալիումական պարարտանյութերով, որը շուկայականից մատչելի գնով տնտեսվարողներին է հատկացվել պետության կողմից,-ասաց Լոռու մարզպետարանի գյուղատնտեսության և բնապահպանության վարչության պետ Գրիգոր Հակոբյանը: