Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արթուր Նալբանդյանի կոչը Լոռու մարզի բնակիչներին
26.05.2017
Լոռու մարզի հարգարժան բնակիչներ,
ՀՀ վարչապետ Կարեն Կարապետյանի, ՀՀ կառավարության կողմից նախաձեռնված «Մաքուր Հայաստան» ծրագրի շրջանակներում մայիսի 27-ին, ժամը 9.30-ից մեկնարկում է համապետական շաբաթօրյակը: Մեր երկրի, մասնավորապես մեր մարզի համար այս կարևոր միջոցառման գլխավոր նպատակը լինելու է աղբահանության և սանիտարական մաքրման աշխատանքների կատարումն անհրաժեշտ մակարդակի բերելն ու ամենուրեք անկանոն թափված աղբի նկատմամբ անհանդուրժող վերաբերմունքի ձևավորումը: Մեր երկիրը, մեր Լոռին, մաքուր ու անաղարտ տեսնելը յուրաքանչյուրիս նպատակը պետք է լինի: Սա նաև մեր մարզի զարգացման նախադրյալներից է:
Կոչ եմ անում նաև ձեզ, հարգելի լոռեցիներ, ինքնաբուխ կերպով, մասնակից դառնալ այս չափազանց կարևոր գործընթացին: Առանց ձեր հոգատար վերաբերմունքի հարազատ համայնքի, փողոցի, բակի նկատմամբ արդյունքի հասնելը չենք կարող:
