Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն
10.02.2017
Փետրվարի 9-ին Լոռու մարզպետ Արթուր Նալբանդյանն անցկացրեց քաղաքացիների հերթական ընդունելությունը, որին մասնակցեց ավելի քան երկու տասնյակ բնակիչ Վանաձորի, Գուգարքի և Սպիտակի տարածաշրջաններից: Նրանց հարցերին առավել սպառիչ պատասխաններ տալու նպատակով ընդունելությանը ներկա էին նաև մարզպետարանի ոլորտային պատասխանատու աշխատակիցներ: Սոցիալական աջակցության խնդրանքով եկած 11 քաղաքացու մարզպետը պատրաստակամություն հայտնեց ֆինանսական աջակցություն տրամադրել: Անվճար բուժօգնություն ստանալու ակնկալիքով եկած երեք քաղաքացու ևս Ա. Նալբանդյանը դրական պատասխան տվեց՝ առաջարկելով համապատասխան բովանդակությամբ դիմումներ ներկայացնել:
Բնակարանային, կոմունալ-կենցաղային հարցերով եկած բնակիչներին առաջարկվեց դիմել իրենց համայնքների ղեկավարներին:
«Երկրաշարժի հետևանքով անօթևան մնացած ընտանիքիների բնակապահովման ծրագրի» շահառու հանդիսացող Ծաղկաբեր համայքնի բնակչին մարզպետը պատասխանեց, որ մինչև 2018թ.-ը խնդրին ամբողջական լուծում կտրվի, և ծրագիրը վերջնականապես ավարտին կհասցվի:
