Լոռու մարզպետի աշխատակազմ

 Լոռու մարզպետ Արթուր Նալբանդյանն այսօր իր աշխատասենյակում ընդունեց «Հայաստանի մանուկներ» հիմնադրամի (COAF) գործադիր տնօրենի նորանշանակ պաշտոնակատար Ինեսա Գրիգորյանին և ծրագրերի տնօրեն Էսթեր Հակոբյանին 2016թ. ընթացքում համագործակցության արդյունքում իրականացված աշխատանքներն ամփոփելու և առաջիկա ծրագրերի քննարկման նպատակով: Հանդիպմանը ներկա էին նաև մարզպետարանի աշխատակազմի ղեկավար Նարեկ Սարգսյանը և զարգացման ծրագրերի և վերլուծության բաժնի պետ Հասմիկ Մկրտչյանը:
COAF-ի միջոցներով մարզի մի խումբ համայնքներում մի շարք կարևոր ծրագրեր են իրականացվում: Հիմանդրամի միջոցներով է կառուցվում նաև «Սմարթ» կենտրոնը Դեբեդի գեղատեսիլ հովտում, որի հանդիսավոր բացումը նախատեսվում է 2017թ.-ի աշնանը:
Շնորհակալությւոն հայտնելով համագործակցության համար, Ի. Հակոբյանը տեղեկացրեց, որ «Սմարթ» կենտրոնի բացմանն ընդառաջ առաջիկայում նախատեսում են առավել ակտիվացնել մարզում իրականացվող ծրագրերն ու հատկապես մի շարք համայնքներում գործող «Սմարթ» սենյակների գործունեությունը: Խոսելով ապագա ծրագերի մասին՝ նա նաև նշեց, որ Սմարթ կենտրոնի բացումից հետո COAF-ը նախաձեռնություն ունի նաև տարածաշրջանում հյուրատուն կառուցել՝ նպաստելով տուրիզմի զարգացմանը:
-Կենտրոնն իրականում «Սմարթ» ավանի մի մասն է կազմելու՝ իր հետ զուգահեռաբար ունենալով մի շարք այլ բաղադրիչներ, որոնք տարիների ընթացում կզարգանան՝ առավել ընդլայնելով ծրագիրը,-ասաց տնօրենի պաշտոնակատարը: Նա «Հայաստանի մանուկներ» հիմնադրամի նախագահ Կարո Արմենի և իր անունից մարզպետ Ա. Նալբանդյանին շնորհակալություն հայտնեց մշտական աջակցության և համագործակցության համար՝ տեղեկացնելով նաև որ առաջիկայում նախատեսվում է Կ. Արմենի այցը Լոռու մարզ հետագա ծրագրերն առավել հանգամանորեն քննարկելու նպատակով:
Ի. Հակոբյանն առաջարկեց կենտրոնի բացմանն ընդառաջ իրազեկման հանդիպումներ կազմակերպել համայնքներում՝ հանրությանը տեղեկացնելու, որ «Սմարթ» գաղափարը սոսկ տեղեկատվական տեխնոլոգիաներ չի ենթադրում, այլ տեխնոլոգիական գործիք է հանդիսանում մի շարք զարգացման ծրագերերի իրականացման համար: Նա հավաստիացրեց, որ COAF-ը մշտապես լինելու է գյուղական համայնքների կողքին:
Մարզպետն իր հերթին ողջունելով հյուրերին և շնորհակալություն հայտնելով համագործակցույթան ու մարզում կարևոր ծրագրերի իրականացման համար՝ պատրաստակամություն հայտնեց ասյուհետ ևս աջակցելու :
-Համագործակցության հենց սկզբում հասկացանք, որ գործ ունենք, ոչ թե կարճաժամկետ այլ մարզի զարգացմանը միտված երկարաժամկետ ծրագրերի հետ, ինչը մեզ չափազանց ոգևորեց,-ասաց Ա. Նալբանդյանը: Նա հյուրերին իրազեկեց 2017թ.-ը Լոռին «Սմարթ» մարզ հայտարարելու իր նախաձեռնության մասին, ինչը մեծ ոգևորություն առաջացրեց հիմնադրամի ներկայացուցիչների մոտ:
-Մենք նույնպես վարակվել ենք ձեր նախաձեռնողականությամբ և ձեր ու միջազգային այլ կառույցների փորձն այս առումով մեզ համար խիստ կարևոր է,-ասաց մարզի ղեկավարը: Նա տեղեկացրեց նաև, որ իր հանձնարարությամբ մարզային ենթակայության դպրոցներն իրենց կողմից տնտեսված միջոցներով նախատեսում են «Սմարթ» դասասենյակներ կահավորել:
Հյուրերը հետաքրքվեցին նաև Մ 6 միջպետական ճանապարհի շինարարության ընթացքով՝ հույս հայտնելով, որ մինչ կենտրոնի հանդիսավոր բացումը ճանապարհի այդ հատվածն արդեն կառուցված կլինի: Մարզի ղեկավարը վստահեցրեց, որ աշխատանքներն ընթանում են ինտենսիվ կերպով և ճանապարհի կառուցումը ևս կնպաստի Լոռու մարզպետարանի և «Հայաստանի մանուկներ» հիմնադրամի համատեղ ծրագրերի էլ առավել արդյունավետ իրականացմանը: