Լոռու մարզպետի աշխատակազմ

 Վանաձորի մարզադաշտում անցկացվեց նախազորակոչային և զորակոչային տարիքի երիտասարդների ռազմամարզական խաղերի Լոռու մարզային փուլը, որին մասնակցեց տարածաշրջային փուլում հաղթած 10 դպրոց: Դպրոցականները մրցեցին հրաձգություն,ինքնաձիգի քանդում, ձգումներ պտտաձողից, նռնակի նետում, վազք (1000 մ) մրցաձևերում: Միավորների ընդհանուր հաշվարկում Լոռու մարզային փուլի հաղթող դարձավ Լեռնապատի միջնակարգ դպրոցի հավաքական թիմը, որն իրավունք ստացավ մասնակցելու նոյեմբերի 1-4-ը Երևանում կայանալիք հանրապետական եզրափակիչ փուլին: Երկրորդ տեղը գրավեցին Սպիտակի թիվ 8 միջնակարգ, երրորդ տեղ՝ Վանաձորի թիվ 11 ավագ դպրոցների թիմերը: