Տեղեկատվական կենտրոն
Նորություններ
Նշվեց արտակարգ իրավիճակների նախարարության աշխատակցի օրը
31.08.2016
![](http://lori.mtad.am/files/n_pics/11304_s.jpg)
Վանաձորի Հովհ. Աբելյանի անվան պետական դրամատիկական թատրոնում տեղի ունեցավ Արտակարգ իրավիճակների նախարարության աշխատակցի օրվան նվիրված տոնական միջոցառում, որը կազմակերպել էր Արտակարգ Իրավիճակների Նախարարության աշխատակազմի Փրկարար Ծառայության Լոռու մարզային փրկարարական վարչությունը: Ներկա էին Լոռու մարզպետ Արթուր Նալբանդյանը, փոխմարզպետ Արսեն Դարբինյանը ,Գուգարաց թեմի առաջնորդ Սեպուհ արքեպիսկոպոս Չուլջյանը, պաշտոնատար այլ հրավիրյալներ: Ցուցադրվեց տեսաֆիլմ Փրկարար ծառայության Լոռու մարզային վարչության աշխատանքների մասին:
Օրհնանքի և բարեմաղթանքի խոսք ասաց Սեպուհ Սրբազանը՝ կարևորելով փրկարարի դերը մեր ժամանակներում:
Ապա Լոռու մարզի փրկարարական վարչության պետ, փրկարարական ծառայության գնդապետ Հրաչ Անտոնյանը հակիրճ ներկայացրեց վերջին տարիներին կատարված աշխատանքները: Մասնագիտական տոնի կապակցությամբ Հրաչ Անտոնյանը պատվոգրեր հանձնեց հինգ ծառայողների: ՀՀ ԱԻ նախարարության ենթակայության մարզային կառույցների ութ աշխատակիցներ շնորհակալագրերով ու արժեքավոր նվերներով պարգևատրվեցին Լոռու մարզպետ Արթուր Նալբանդյանի կողմից: Ծառայության ընթացքում դրսևորած օրինակելի վարքագծի, ծառայությունը պատշաճ մակարդակով կազմակերպելու, դեպքերին, պատահարներին, անհետաձգելի վթարավերականգնողական աշխատանքներին արձագանքումը օպերատիվ և բարեխիղճ կազմակերպելու, մարզում ծառայողական, հասարակական բոլոր միջոցառումներին ակտիվորեն մասնակցելու և նախաձեռնողականություն ցուցաբերելու համար մարզպետի կողմից պարգևատրվեցին Տաշիրի հրշեջ փրկարարական ջոկատի հրամանատար, փրկարարական ծառայության կապիտան Հովսեփ Արշակյանը, Վանաձորի թիվ 1 հրշեջ փրկարարական ջոկատի օղակի հրամանատար, փրկարարական ծառայության ավագ Հարություն Փենինյանը, «Տեխնիկական անվտանգության ազգային կենտրոն» ՊՈԱԿ-ի տեղեկատվության վերլուծության բաժնի առաջին կարգի մասնագետ Հարություն Մխիթարյանը, նույն ՊՈԱԿ-ի Լոռու մարզի տեխնիկական անվտանգության փորձաքննության բաժնի պետ Կարեն Բոյաջյանը, Լոռու մարզային փրկարարական վարչության Վանաձորի թիվ 1 հրշեջ փրկարարական ջոկատի օղակի հրամանատար, փրկարարական ծառայության ավագ Հայկ Անդրեասյանը, Լոռու մարզային հրդեհային և տեխնիկական անվտանգության տեսչության գլխավոր մասնագետ-տեսուչ Ռաֆայել Տեր-Հարությունյանը, Լոռու ռադիոլոկացիոն հակակարկտային կենտրոնի ակտիվ ներգործության դիտարկումների բաժնի գլխավոր մասնագետ Արմեն Հովսեփյանը, Լոռու մարզային փրկարարական վարչության ավագ հրահանգիչ, փրկարարական ծառայության մայոր Արմեն Գրիգորյանը:
Տոնական միջոցառումը եզրափակվեց գեղարվեստական կատարումներով: