Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արցախից տեղահանված արդեն երրորդ ընտանիքում է լսվում նորածնի ճիչը
27.07.2016
Արցախից տեղահանված և Լոռու մարզում բնակություն հաստատած արդեն երրորդ ընտանիքում է լսվում նորածնի ճիչը: Փոքրիկ Անին լույս աշխարհ է եկել հուլիսի 24-ին Ստեփանավանի բժշկական կենտրոնի ծննդաբերական բաժանմունքում: Մայրը՝ Նելլի Հարությունյանը և փոքրիկը վայելում են բուժանձնակազմի սերն ու հոգատարությունը: Ն. Հարությունյանը Հադրութից Ստեփանավան է եկել ապրիլի սկզբին՝ մարտական թեժ գործողությունների ժամանակ և ժամակավոր ապաստան գտել բարեկամների տանը: Ամուսինը զինվորական է և ծառայում է ԼՂՀ Պաշտպանության բանակում:
Նորածին Անին ևս զերծ չմնաց մարզի ղեկավարի ուշադրությունից: Ա. Նալբանդյանի հանձնարարությամբ Լոռու մարզպետի օգնական Արման Սարգսյանը և տեղեկատվությամն և հասարակայնության հետ կապերի բաժնի աշխատակից Աննա Գասպարյանը տեսակցեցին փոքրիկին և նրա մորը՝ հանձնեցին նվեր և դրամական օգնություն: Մարզպետի անունից փոքրիկին մաղթեցին առողջություն, երջանկություն և խաղաղ երկնքի տակ մեծանալու հնարավորություն՝ պատրաստակամություն հայտնելով աջակցելու ցանկացած հարցում:
