Տեղեկատվական կենտրոն
Նորություններ
Լոռու մարզպետ Արթուր Նալբանդյանի շնորհավորական ուղերձը «Ֆորտունա» հեռուստաընկերության հիմնադրման 25 և որպես մարզային հեռուստաընկերություն՝ գործունեության 5-րդ հոբելյանական տարեդարձների առթի
20.07.2016
«Ֆորտունա» հեռուստաընկերության հարգելի աշխատակիցներ
Այսօր հեռուստաընկերությունը նշում է հիմնադրման 25 և որպես մարզային հեռուստաընկություն՝ գործունեության 5-րդ հոբելյանական տարեդարձները, ինչի առթիվ սրտանց շնորհավորում եմ ձեզ:
Արդեն 25 տարի շարունակ ու առավելապես վերջին 5 տարիների ընթացքում հեռուստաընկերությունն իր ամենօրյա հետևողական աշխատանքով մարզի բնակչությանը օպերատիվ կերպով հաղորդակից է դարձնում մարզային անցուդարձին, պարբերաբար անդրադառնում համայնքներում առկա խնդիրներին, մշակութային և հոգևոր արժեքներին, հասարակական ու քաղաքական թեմաներ արծարծում՝ մշտապես ջանալով կատարելագործվել, եթերը հագեցնել նորանոր մտահղացումներով, ուսանելի ու հետաքրքիր հաղորդաշարերով: Ողջունելի է, երբ եթերը տարեցտարի հարստանում է սեփական արդադրության հաղորդումներով, որոնք ևս կարևոր դեր ու նշանակություն ունեն հասարակական կարծիքի ձևավորման գործում: Հեռուստաընկերության եթերում կարելի է ծանոթանալ նաև հանրապետական, տարածաշրջանային ու միջազգային նորություններին:
«Ֆորտունան» այս կարճ ժամանակահատվածում կարողացել է դառնալ Լոռու մարզի հանրության լավագույն բարեկամը, որը ցանկացած բնակչի կողքին է բոլոր իրավիճակներում:
Կրկին շնորհավորելով տարեդարձի առթիվ՝ մաղթում եմ ձեզ աշխատանքային և ստեղծագործական նոր եռանդ ու ձեռքբերումներ, անձնական կյանքում՝ առողջություն և բարեկեցություն: