Տեղեկատվական կենտրոն
Նորություններ
Մեկնարկեց ամառային զորակոչը
01.07.2016
Այսօր մեկնարկեց 2016թ. ամառային զորկոչը: Մարդաշատ էին Վանաձորի, Ալավերդու, Ստեփանավանի, Սպիտակի զինվորական կոմիսարիատների բակերը. նորակոչիկներին Հայոց ազգային բանակ էին ճանապարհում ծնողներն ու հարազատները: Նրանց բարի ճանապարհ ու աննկուն ծառայություն մաղթելու էին եկել նաև մարզային և քաղաքային իշխանությունների ներկայացուցիչները: Լոռու մարզպետ Արթուր Նալբանդյանը մարզպետարանի պաշտոնատար անձանց ուղեկցությամբ Ալավերդի քաղաքում էր: Թումանյանի տարածաշրջանի նորկոչիկներին հանդիսավորությամբ ճանապարհելու նպատակով Ալավերդու Սուրբ Գրիգոր Նարեկացի եկեղեցու բակում Ալավերդու քաղաքապետարանի ջանքերով գեղեցիկ միջոցառում էր կազմակերպվել:
Մարզի ղեկավարը, ով նաև Լոռու մարզային զորակոչային հանձնաժողովի նախագահն է, ողջերթի ջերմ խոսքեր հղեց երիտասարդներին՝ մաղթելով, որ հայրենիքին պատվով ծառայելուց հետո ողջ-առողջ տուն դառնան՝ շենացնելու իրենց հայրենի տունը, իրագործելու իրենց բաղձալի երազանքները: Ավանդույթի համաձայն նա բոլոր նորակոչիկներին առաջին անհրաժեշտության պարագաներ նվիրեց: Մարզպետը երիտասարդների հետ նաև մոմավառություն կատարեց:
Մյուս տարածաշրջաների զինակոչիկներին բարի ծառայություն մաղթեցին և մարզի ղեկավարի անունից առաջին անհրաժեշտության պարագաներ նվիրեցին մարզպետի տեղակալները՝ Վանաձորում՝ Արսեն Դարբինյանը, Սպիտակում՝ Հովհաննես Թադևոսյանը և Ստեփանավանում՝ Տիգրան Բադոյանը: