Լոռու մարզպետի աշխատակազմ

Լոռու մարզպետ Արթուր Նալբանդյանն իր մասնակցությունը բերեց Վանաձորի մարզապալատում անցկացված օլիմպիական խաղերի արծաթե մեդալակիր, աշխարհի եռակի գավաթակիր, Եվրոպայի բազմակի չեմպիոն, սպորտի վաստակավոր վարպետ Ստեփան Սարգսյանի գավաթի խաղարկության 21-րդ միջազգային մրցաշարի եզրափակիչ միջոցառմանը: Մրցումների բացման հանդիսավոր արարողությանը ներկա էին անվանի մարզիկը, Վանաձորի քաղաքապետ Սամվել Դարբինյանը, Լոռու մարզային և Վանաձորի քաղաքային իշխանությունների ներկայացուցիչներ, անվանի մարզաշխատողներ:

Երկօրյա դիտարժան մրցապայքարին մասնակցել էին Ռուսաստանի, Բելառուսի, Ուկրաինայի, Իրանի, Վրաստանի, Ալբանիայի, Ղազախստանի, Գվատեմալայի և Հայաստանի ուժեղագույն մարզիկները: Լեփ-լեցուն դահլիճը մեծ ոգևորությամբ քաջալերում էր վանաձորցի և Հայաստանի մյուս ըմբիշներին: 65 կգ քաշայի կարգում բրոնզե մեդալի համար պայքարում Նարեկ Սիրունյանը պարտության մատնեց ռուս ըմբիշին և առաջին մեդալը պարգևեց հարազատ քաղաքին: Մրցումների երկրորդ օրը վանաձորցիներից Շամիր Աթյանը միայն եզրափակչում զիջեց իրանցի մարզիկին և 86 կգ քաշային կարգում նվաճեց արծաթե մեդալ: Ընդհանուր առմամբ՝  հայ ըմբիշները նվաճեցին երկու ոսկե, նույնքան արծաթե և երեք բրոնզե մեդալներ: Եզրափակիչ գոտեմարտին հետևում էր Հայաստանում Իրանի Իսլամական Հանրապետության արտակարգ և լիազոր դեսպանը: Հանդիսականները մեծ ոգևորությամբ դիմավորեցին լեգենդար ֆուտբոլիստ Խորեն Հովհաննիսյանին: Առհասարակ, մարզապալատում մեծ