Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանրային քննարկում Մ6 ճանապարհի կառուցման ընթացքում ակնկալվող բնապահպանական հարցերի շուր
02.05.2016
«Մ6 Վանաձոր-Ալավերդի-Վրաստանի սահման միջպետական ճանապարհի վերականգնման և բարելավման ծրագրի» իրականացման նպատակով նշյալ ճանապարհահատվածում բնապահպանական խնդիրների վերաբերյալ մայիսի 2-ին քննարկում էր կազմակերպվել Լոռու մարզպետարանում: Ծրագիրն, ինչպես հայտնի է, իրականացվում է ՀՀ տրանսպորտի և կապի նախարարության Տրանսպորտի ԾԻԳ-ի կողմից՝ Ասիական զարգացման բանկի և Եվրոպական ներդրումային բանկի համաֆինանսավորմամբ:
Քննարկմանը մասնակցում էին ՀՀ տրանսպորտի և կապի նախարարության Տրանսպորտի ԾԻԳ-ի, Ասիական զարգացման բանկի, Լոռու մարզպետարանի ներկայացուցիչներ, համայնքների, շահագրգիռ կառույցների ղեկավարներ: Լոռու մարզպետի տեղակալ Արսեն Դարբինյանն, ով վարում էր քննարկումը, համայնքների ղեկավարներին առաջարկեց առավել ակտիվ լինել և բարձրացնել ճանապարհի կառուցման հետ կապված համայնքներին առնչվող բնապահպանական կարևոր խնդիրներ՝ նշելով, որ ծրագիրը կենսական կարևորություն ունի ոչ միայն մարզի, այլև հանրապետության համար:
Տրանսպորտի ԾԻԳ-ի ներկայացուցիչներն անդրադարձան ճանապարհի կառուցման նախապատրաստական և ընթացիկ փուլերում ակնկալվող բնապահպանական ազդեցությունների մեղմման ուղղությամբ տարվելիք աշխատանքներին: Ներկաները խնդրին առնչվող մի շարք հարցեր ուղղեցին պատասխանատուներին: Հարց հնչեց նաև ճանապարհի կառուցման ընթացքում այլընտրանքային ճանապարհի շահագործաման խնդրի հետ կապված: Պատասխանատուները վստահեցրին, որ ճանապարհը ամբողջությամբ փակ կլինի միայն թունելների և կամուրջների հիմնանորոգման ընթացքում և այն էլ հավանաբար, ոչ երկարաժամկետ: Այս ընթացքում երթևեկությունը կկատրվի այլընտրանքային ճանապարհով: Մնացած դեպքերում աշխատանքները կընթանան հատվածառհատված և երթևեկության համար խոչընդոտներ չեն ստեղծվի:
