Տեղեկատվական կենտրոն
Նորություններ
Ակցիան շարունակական բնույթ է կրելու
13.04.2016
Լոռու մարզպետի տեղակալ Արսեն Դարբինյանի և մարզպետարանի աշխատակազմի ղեկավարի ժամանակավոր պաշտոնակատար Վալերի Խաչատրյանի ուղեկցությամբ «Լոռի-Արցախ» մարզային հանձնախմբի կոչով և նախաձեռնությամբ հավաքագրված սննդամթերքով, առաջին անհրաժեշտության իրերով և բուժպարագաներով բեռնված 4 փոքր բեռնատարները ապրիլի 12-ին ժամանեցին ԼՂՀ Մարտակերտի շրջան: Հանձնախմբի կողմից փոխանցվեց նաև 55 միլիոն դրամ: Գումարի 1,5 միլիոնը տրամադրվեց Մարտակերտի շրջանին, մի մասը ԱԱ միությանը, մի մասն էլ՝ կառավարությանը:
Մարտակերտում նրանք հանդիպեցին Մարտակերտի շրջվարչակազմի ղեկավար Վլադիկ Խաչատրյանի, շրջվարչակազմի ղեկավարի տեղակալ Ռադիկ Առուշանյանի և շրջվարչակազմի աշխատակազմի ղեկավար Սասուն Հարությունյանի հետ: Վերջիններս իրենց շնորհակալությունը հայտնեցին լոռեցի բարեկամներին, Լոռու մարզպետ Արթուր Նալբանդյանին աջակցելու և ձեռք մեկնելու համար: Հանձնախմբի անդամները նշեցին, որ ակցիան շարունակական բնույթ է կրելու: