Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հաշվետվություններով հանդես եկան Շամլուղ և Արևածագ համայնքների ղեկավարները
29.02.2016
Լոռու մարզի համայնքների ղեկավարները շարունակում են տարեկան հաշվետվություններ ներկայացնել մարզպետարանի ղեկավարների և պաշտոնատար անձանց, շահագրգիռ կառույցների մասնակցությամբ:
Շամլուղ և Արևածագ համայնքների ղեկավարների հաշվետվություններին ներկա էր նաև Լոռու մարզպետի տեղակալ Արսեն Դարբինյանը:
Շամլուղի քաղաքապետ Լենդրուշ Բեժանյանը, ողջունելով ներկաներին և շնորհակալություն հայտնելով հաշվետվությանը ներկա գտնվելու համար, նշեց, որ հաշվետու տարում աշխատանքներն ընթացել են համայնքի 2014-2017թ.թ. սոցիալ-տնտեսական զարգացման քառամյա ծրագրի շրջանակներում: 2015թ.-ին համայնքում զգալի աշխատանքներ են կատարվել. համայնքային բյուջեի և բնակիչների միջոցներով կառուցվել են նոր ջրագծեր, ինչի շնորհիվ բարելավվել է համայնքի ջրամատակարարումը, վերանորոգվել է նախակրթարանը և այլն: Ըստ քաղաքապետի, օրախնդիր է մնում ճանապարհների նորոգումը, փողոցային լուսավորության խնդիրը և այլն: Նա խոսեց նաև ծրագրերից:
Ա. Դարբինյանը շնորհակալություն հայտնեց համայնքի ղեկավարին հաշվետու տարում իրականացված արդյունավետ ծրագրերի համար՝ կարևորելով թափանցիկ աշխատաոճը:
Փոխմարզպետը ներկա գտնվեց նաև Արևածագ համայնքի ղեկավար Սամվել Սարգսյանի հաշվետվությանը:
