Տեղեկատվական կենտրոն
Նորություններ
Վաստակին արժանի գնահատական
15.02.2016
Նախորդ տարվա ընթացքում Լոռու մարզում արձանագրված մարզական և մշակութային ձեռքբերումներն առավել քան ակնառու էին, ու այդ հարցում իր մեծ դերակատարությունն ունեցավ Լոռու մարզպետարանի կրթության, մշակույթի և սպորտի վարչության մշակույթի և սպորտի բաժինը: ՀՀ նախագահի մրցանակի համար «Լավագույն մարզական ընտանիք-2015» (առաջին տեղ՝ հաշմանդամություն ունեցող անձի ընտանիք), «Լավագույն հաշմանդամ մարզիկ-2015թ.» մրցաշար (թիմային երկրորդ տեղ), «Լավագույն մարզական բակ» (երկրորդ տեղ), «Լավագույն մարզական քաղաքային համայնք» (երկրորդ տեղ), «Ամենամյա մարզական փառատոն» (առաջին տեղ), «Ամենամյա նախազորակոչային և զորակոչային տարիքի երիտասարդության հանրապետական ռազմամարզական խաղեր» (թիմային առաջին տեղ) արդյունքները հենց այնպես չեն տրվում, այլ հետևողական ու տքնաջան աշխատանքի արդյունք են, կազմակերպչական ջիղ ու պրոֆեսիոնալիզմ են պահանջում: Ջանքեր, որոնք վաղ թե ուշ տալիս են ցանկալի արդյունք: Մշտապես բարձր մակարդակով են կազմակերպվում նաև մշակութային ու մարզական բոլոր միջոցառումների տարածքային և մարզային փուլերը, մարզի պատվիրակությունները մշտապես պատշաճ կերպով են ներկայանում հանրապետական բոլոր փառատոներին ու մրցաշարերին, մեծ ուշադրություն է դարձվում մատաղ սերնդի ռազմահայրենասիրական դաստիարակությանը, ինչի գնահատականը ՀՀ Սփյուռքի, Սպորտի և երիտասարդության հարցերի, Կրթության և գիտության նախարարությունների շնորհակալական գրություններն են՝ ուղղված բաժնի պետ Արամ Ռևազյանին, ով արհեստավարժ գործչից բացի, առանձնանում է նաև իր մարդկային բարձր արժանիքներով:
Ընդամենը օրեր առաջ կրթության ոլորտում մատաղ սերնդի ռազմահայրենասիրական դաստիարակության գործում ունեցած ավանդի համար Արամ Ռևազյանը պարգևատրվեց ՀՀ Կրթության և գիտության նախարար Արմեն Աշոտյանի պատվոգրով:
Շնորհավորում ենք Ա. Ռևազյանին հերթական գնահատանքի համար՝ մաղթելով նորանոր ձեռբերումներ և աշխատանքային հաջողություններ: