Տեղեկատվական կենտրոն
Նորություններ
Տարեկան հաշվետվություն ներկայացրեց անձնակազմի կառավարման բաժնի պետ Արտաշես Ադլոյանը
22.01.2016
Հունվարի 22-ին 2015թ. աշխատանքային հաշվետվությունով հանդես եկավ Լոռու մարզպետարանի անձնակազմի կառավարման բաժնի պետ Արտաշես Ադլոյանը: Հաշվետվությանը ներկա էին Լոռու մարզպետ Արթուր Նալբանդյանը, փոխմարզպետ Արսեն Դարբինյանը, աշխատակազմի ղեկավար Աշոտ Մանուկյանը, աշխատակազմի ղեկավարի տեղակալ Վալերի Խաչատրյանը, մարզպետի խորհրդական Լևոն Ասլանյանը, լրատվամիջոցներ:
Բաժնի պետը ներկայացրեց բաժնի գործառույթների շրջանակներում տարվա ընթացքում կատարված աշխատանքները, այն է՝ քաղաքացիական ծառայողների և մարզպետարանի ենթակայության հիմնարկ-ձեռնարկությունների տնօրենների անձնական գործերի վարումը, քաղծառայողների վերապատրաստումների կազմակերպումը, մրցույթների և ատեստացիաների կազմակերպումը և անցկացումը, պաշտոնների նշանակումը և ազատումը, դրանց սահմանված ժամկետների պահպանումը, թեստավորման հարցաշարերի և պաշտոնների անձնագրերի կազմումը և այլ գործառույթներ: Նա վստահեցրեց, որ ժամկետների ուշացումներ և բացթողումներ տարվա ընթացքում չեն ունեցել: Որոշակի տեխնիկական թերություններն ուղղվել են շատ արագ: Ա. Ադլոյանը հայտնեց, որ մարզպետարանի աշխատակազմի աշխատողների թվաքանակը` համաձայն հաստիքացուցակի չի փոփոխվել և կազմում է 149 մարդ, որից 133-ը քաղծառայողներ են:
Խոսելով կատարվելիք աշխատանքներից՝ բաժնի պետը նշեց, որ 2017թ. հունվարի 1-ից ուժը կորցրած է ճանաչվելու քաղաքացիական ծառայողների ատեստավորման անցկացման և վերապատրաստումների գործող համակարգը: Ներկայում աշխատանքներ են տարվում նոր համակարգի ներդրման համար, որի հետևանքով անհրաժտ կլինի մշակել և տեղայնացնել նոր ձևաչափի հարցաշարեր, ինչպես նաև համակարգչային ծրագրերով նախատեսված վերապատրաստումների համար վեր հանել կոնկրետ պահանջների կատարելագործման համար անհրաժեշտ ծրագրերը:
Ա. Ադլոյանը տեղեկացրեց, որ 2016թ.-ի ընթացքում նախատեսվում է իրականացնել քաղաքացիական ծառայության պաշտոնների գնահատման նոր համակարգի ներդրման գործընթաց, այն է՝ վերանայել աշխատակազմի քաղաքացիական ծառայողների պաշտոնների խմբերի համապատասխանությունը գործող պաշտոնի անձնագրերով իրականացվող գործառույթներին:
ՀՀ Սահմանադրության փոփոխությամբ պայմանավորված՝ իրականացվելու է թեստավորման հարցաշարերի սահմանադրության բնագավառի հարցաշարերի փոփոխություն բոլոր պաշտոնների խմբերում:
Մարզպետն իր գոհունակությունը հայտնեց տարվա ընթացքում բաժնի կողմից կատարված աշխատանքներից՝ հույս հայտնելով, որ նույնպիսի պատասխանատվությամբ աշխատանքներ կտարվեն նաև ընթացիկ տարում:
Ներկաները հարցեր ուղղեցին բանախոսին:
(Ընդարձակ հաշվետվություններին կարելի է ծանոթանալ lori.mtaes.am կայքէջի «Մարզպետարան» բաժնի «Հաշվետվություններ» ենթաբաժնում):