Լոռու մարզպետի աշխատակազմ

Դեկտեմբերի 24-ին Լոռու մարզպետ Արթուր Նալբանդյանը մարզպետարանի կրթության, մշակույթի և սպորտի վարչության պետ Մինաս Սայադյանի ուղեկցությամբ ներկա գտնվեց Վանաձորի թիվ 19 մանկապարտեզի ամանորյա տոնական հանդեսին: Երեխաները ուրախ երգ ու պարով, ասմունքով ողջունեցին մարզի ղեկավարին ու հյուրերին: Թատերականացված տեսարաններով, տոնական կատարումներով նրանք բարի գալուստ մաղթեցին 2016 թվականին՝ ավանդույթի համաձայն բեմ հրավիրով Ձմեռ պապին ու Ձյունանուշին:

Մարզպետ Ա. Նալբանդյանն իր հերթին շնորհավորեց երեխաներին ու մանկավարժներին` մաղթելով անամպ երկինք, խաղաղություն ու բարեկեցություն ընտանիքներում: Նա մանուկներին ` մեր երկրի  վաղվա տերերին ու շենացնողներին հորդորեց լավ սովորել: Մարզի ղեկավարի կողմից փոքրիկներին հանձնվեցին ամանորյա նվերներ: