Լոռու մարզպետի աշխատակազմ

Նոյեմբեի 27-ին տեղի ունեցավ Լոռու մարզի խորհրդի հերթական նիստը: Մինչ օրակարգային  հարցերին անցնելը, նախագահողը՝ մարզպետ Արթուր Նալբանդյանը, առաջարկեց մեկ րոպե լռությամբ  հարգել կյանքից հեռացած Դարպաս և  Մղարթ համայնքների  ղեկավարներ  Սամվել   Ավետյանի և Վաչագան Նավասարդյանի հիշատակը:

Այնուհետև, անցնելով աշխատանքային օրակարգին, մարզի համայնքների 2015 թվականի բյուջեների 10 ամիսների սեփական եկամուտների կատարման մասին զեկուցեց մարզպետարանի աշխատակազմի ֆինանսական և սոցիալ-տնտեսական զարգացման վարչության պետ Հրայր Պապոյանը:

Նրա տեղեկացմամբ 2015թ. 10 ամսվա կտրվածքով նախատեսված եկամուտների հավաքագրումը ապահովվել է 98.0%-ով, կամ  նախորդ տարվա  նույն ժամանակահատվածի համեմատությամբ աճը կազմել 6.1 %:

          Համայնքների սեփական եկամուտների հավաքագրումը 94.5% է, իսկ եկամուտների ինդեքսը 2014թ-ի նկատմամբ կազմել է 101.7%, կամ ավել է հավաքագրվել 20.6 մլն. դրամ: 

Սեփական եկամուտների հավաքագրման կայունացման միտում է նկատվում. մարզի 32 համայնքում կատարողականը կազմել է 100%-ից բարձր, 80-100% հավաքագրում է ապահովել 59 համայնք: Մարզի 10 համայնքում սեփական եկամուտների հավաքագրման ցուցանիշը 70%-ից ցածր է:

Նոյեմբերի 1-ի դրությամբ գույքահարկի պլանը կատարվել է 96.0%-ով: Նախորդ տարվա նկատմամբ այս ցուցանիշի նվազում ունի 42 համայնք, որոնցից առավել առավել շոշափելի է Արջուտի, Քարաբերդի, Մեդովկայի, Ապավենի, Չկալովի, Վահագնաձորի, Պուշկինոյի, Անտառամուտի, Կաթնաջրի ետընթացը: 

29 համայնքում պլանի կատարողականը կազմել է 70%-ից ցածր՝ մինչև 50%   կատարողական ունի 6 համայնք:

Հողի հարկի 10 ամսվա պլանը կատարվել է շուրջ  89%-ով:

Նախորդ տարվա նկատմամբ արդյունքների նվազում ունի 59 համայնք, որոնցից առավել մեծ՝ Շահումյան, Ապավեն, Վարդաբլուր,Վահագնի, Արծնի, Դսեղ, Գյուլագարակ համայնքները:  &am