Լոռու մարզպետի աշխատակազմ

«Հայաստան» համահայկական հիմնադրամի նախաձեռնությամբ, Հայաստանի Հանրապետությունում, Արցախում և հայկական սփյուռքում, մեր հայրենակիրցները տարիներ ի վեր մասնակցում են  համահայկական դրամահավաք մարաթոններին՝ նպատակաուղղված ազգաշահ որևէ ծրագրի  իրականացմանը: Հանգանակված միջոցներով անցած տարիներին կարևորություն ներկայացնող բազմաթիվ սոցիալ-տնտեսական ծրագրեր են իրականացվել: Հատկապես հիշատակելի է 2013-2014թթ. մարաթոնների հանգանակած միջոցներով կառուցված ու  բարեկարգված, մայր Հայաստանը Արցախի  հետ  կապող, ստրատեգիական առումով կարևորագույն Վարդենիս-Մարտակերտ 116 կիլոմետրանոց ավտոճանապարհը:Դա Հիմնադրամի գործունեության ընթացքում համահայկական հանգանակությամբ  կառուցված երրորդ խոշոր ավտոճանապարհն էր:

Հարգելի հայրենակիցներ, շարունակելով ազգաշահ ավանդույթը, նոյեմբերի 21-ին ժամը 10-ին Վանաձորի Շարլ Ազնավուրի անվան մշակույթի պալատում կմեկնարկի «Մարաթոն-դրամահավաք-2015»-ը, որի միջոցները կուղղվեն  Լեռնային Ղարաբաղի Հանրապետության 5 և ավելի երեխաներ ունեցող ընտանիքների համար բնակարանների կառուցման ծրագրին: Դրամահավաք-մարաթոնի կազմկոեմիտեն ակնկալում է  Ջեր ակտիվ մասնակցությունը: