Տեղեկատվական կենտրոն
Նորություններ
Քննարկվել է 2016 թվականի ՀՀ պետական բյուջեի նախագծը
05.11.2015
ՀՀ Ազգային ժողովի պետական-իրավական հարցերի ու ֆինանսավարկային, բյուջետային հարցերի մշտական հանձնաժողովների համատեղ նիստում նոյեմբերի 3-ին քննարկվել են «ՀՀ 2016թ-ի պետական բյուջեի մասին» ՀՀ օրենքի նախագծով իշխանության օրենսդիր, գործադիր և դատական մարմինների գործունեության իրականացման համար նախատեսված ծախսերը: Քննարկմանը ներկա էր նաև Լոռու մարզպետ Արթուր Նալբանդյանը:
ՀՀ ֆինանսների նախարարի առաջին տեղակալ Պավել Սաֆարյանը, ներկայացնելով ֆինանսական ցուցանիշները, տեղեկացրել է, որ 2016թ-ի պետական բյուջեի նախագծով իշխանության ճյուղերի պահպանման ծախսերի համար նախատեսվել է հատկացնել 91 մլրդ 719 մլն դրամ, որը 688 մլն դրամով գերազանցում է 2015թ-ի մակարդակը: Ավելացված ծախսերից 109 մլն դրամը հատկացվելու է աշխատավարձի բնականոն աճի բարձրացմանն ուղղված միջոցներին և հաստիքների ավելացմանը: