Տեղեկատվական կենտրոն
Նորություններ
Աշխատանքային խորհրդակցություն
12.10.2015
Հոկտեմբերի 12-ին, Լոռու մարզպետ Արթուր Նալբանդյանը փոխմարզպետների, մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական աշխատանքային խորհրդակցությունը:
Լոռու մարզի փրկարարական վարչության պետի տեղակալ, ՃԿԿ պետ Արթուր Չատինյանը ներկայացրեց անցած մեկ շաբաթում մարզի տարածքում գրանցված արտակարգ դեպքերը: Ըստ նրա, նշված ժամանակահատվածում գրանցվել է 10 դեպք, որից 2-ը հրդեհի, 4-ը՝ ՃՏՊ՝ 8 վիրավորով, 1-ը՝ թունավարման, 3-ը՝ կենցաղային բնույթի:
Մարզպետարանի ֆինանսական և սոցիալ-տնտեսական զարգացման վարչության պետ Հրայր Պապոյանը ներկայացրեց սեփական եկամուտների հավաքագրման ցուցանիշները հոկտեմբերի 9-ի դրությամբ: Նրա տեղեկացմամբ՝ սեփական եկամուտների պլանի կատարողականը ամսվա պլանի նկատմամբ տվյալ ժամակահատվածում կազմել է 15,3 տոկոս, գույքահարկինը՝ 18,9 և հողի հարկի կատարողականը՝ 10 տոկոս:
Քաղաքաշինության վարչության պետ Արմեն Ջանազյանը զեկուցեց մարզում ընթացող շինաշխատանքների ընթացքի մասին:
Խորհրդակցության ընթացքում քննարկվեցին գյուղատնտեսական աշխատանքներին վերաբերող մի շարք կարևոր հարցեր: Մարզպետարանի գյուղատնտեսության և բնապահպանության վարչության պետ Գրիգոր Հակոբյանը տեղեկացրեց, որ մարզի պատվիրակությունը պատրաստ է մասնակցելու հոկտեմբերի 16-18-ը Երևանում անցկացվելիք «Արմ պրոդեքսպո» միջազգային մասնագիտացված ցուցահանդեսին:
Մարզպետարանի մյուս ստորաբաժանումների պետերը ևս տեղեկատվություն ներկայացրին ընթացիկ աշխատանքների մասին, հանդես եկան առաջարկություններով: