Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիսություն՝ նվիրված Ղարաքիլիսայում գրադարանի հիմնադրման 100-ամյակին
08.10.2015
Հոկտեմբերի 7-ին Լոռու մարզային գրադարանի դահլիճում տեղի ունեցավ հոբելյանական հանդիսություն՝ նվիրված Ղարաքիլիսայում (Կիրովական, Վանաձոր) գրադարանի հիմնադրման 100-ամյակին և գրադարանավարի օրվան:
Միջոցառումը վարում էր երգիչ, հանդիսավար Տարոն Դանիելյանը:
Ողջույնի խոսք ասաց գրադարանի տնօրեն Անահիտ Քոչարյանը, ով գրադարանավարներին շնորհավորեց տոնի կապակցությամբ՝ կարևորելով գրադարանների դերը հասարակության կյանքում:
Գուգարաց թեմի առաջնորդ Սեպուհ արքեպիսկոպոս Չուլջյանի և իր անունից օրհնանքի խոսք ասաց Վանաձորի Սուրբ Գրիգոր Նարեկացի եկեղեցու հոգևոր հովիվ տեր Վահան քահանա Ազարյանը:
Լոռու փոխմարզպետ Տիգրան Բադոյանն իր, Լոռու մարզպետ Արթուր Նալբանդյանի և մարզպետարանի աշխատակազմի կողմից շնորհավորեց Գրադարանավարների միջազգային օրվա և գրադարանի հիմնադրման 100-ամյակի առթիվ՝ նշելով, որ Լոռու մարզային գրադարանը կարևոր նշանակություն ունի մեր հասարակության գիտակրթական և մշակութային կյանքում: Տ. Բադոյանը Լոռու մարզպետի շնորհակալագրով պարգևատրեց գրադարանի տնօրեն Անահիտ Քոչարյանին և գրադարանի կոլեկտիվին:
Վանաձորի քաղաքապետարանի կրթության և մշակույթի բաժնի պետ Գոռ Բադյանը Վանաձորի քաղաքապետ Սամվել Դարբինյանի անունից շնորհավորելով՝ շնորհակալագիր հանձնեց տնօրենին:
Ողջույնի և բարեմաղթանքի խոսք ասաց նաև Հայաստանում ԱՄՆ-ի դեսպանատան ռեսուրս կենտրոնի տնօրեն Ներսես Հայրապետյանը:
Գրադարանի փոխտնօրեն Ֆրոսյա Ջանջուղազյանը ներկայացրեց գրադարանի պատմությունը ստեղծման օրից մինչև մեր օրերը: Հանդիսությունը հագեցած էր նաև գեղարվեստական կատարումներով:
