Լոռու մարզպետի աշխատակազմ

Սեպտեմբերի 17-ին ՀՀ ՏԿԱԻ նախարար Արմեն Երիցյանը խորհրդակցություն անցկացրեց ՀՀ մարզպետների մասնակցությամբ:
Խորհրդակցության ընթացքում քննարկվեցին մարզերում հրատապ կապիտալ ծրագրերի իրականացման գործընթացին, խաղողի մթերման և կարկտահարված համայնքների խնդիրներին առնչվող հարցեր: ՏԿԱԻ նախարարը կարևորեց հակակարկտային համակարգերի բարելավման ու դրանց գործունեության արդյունավետության բարձրացմանն ուղղված միջոցառումների իրականացումը:
Քննարկվեցին 2014 թ. գյուղացիական տնտեսություններին մատչելի գներով տրված ազոտական պարարտանյութի և սերմացուի գումարների հավաքագրման ընթացքին, 2015թ. գյուղացիական տնտեսություններին տրամադրված դիզ.վառելիքի, պարարտանյութի բաշխման գործընթացին առնչվող հարցեր:
Մարզպետները նախարարին զեկուցեցին ՀՀ անկախության տոնին նվիրված մարզերում կազմակերպվող միջոցառումների մասին: Նախարարն իր խոսքում անդրադարձավ նաև համայնքների սեփական եկամուտների հավաքագրման գործընթացին՝ կարևորելով ցուցանիշների բարձրացումը: