Տեղեկատվական կենտրոն
Նորություններ
Քաղաքացիների ընդունելություն Թումանյանի տարածաշրջանում
17.09.2015
Սեպտեմբերի 17-ին Լոռու մարզպետ Արթուր Նալբանդյանը քաղաքացիների հերթական ընդունելությունն անցկացրեց Ալավերդու քաղաքապետարանում: Թումանյանի տարածաշրջանի տարբեր բնակավայրերից մեկ տասնյակից ավելի քաղաքացի էր հերթագրվել մարզպետ Արթուր Նալբանդյանի մոտ հերթական ընդունելության համար: Քաղաքացիներին լիարժեք պատասխանելու և բարձրացված հարցերին օպերատիվ լուծում տալու համար ընդունելությանը ներկա էին նաև մարզպետի տեղակալ Արսեն Դարբինյանը, Լոռու մարզպետարանի ստորաբաժանումների պատասխանատու աշխատակիցներ: Քաղաքացիները մարզի ղեկավարին դիմեցին սոցիալական աջակցության, առողջապահական, ինչպես նաև աշխատանքի տեղավորման հարցերով, որոնց վերաբերյալ տրվեցին համապատասխան պարզաբանումներ և սպառիչ պատասխաններ: