Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն
14.05.2015
Մայիսի 14-ին Լոռու մարզպետարանում անցկացվեց քաղաքացիների ընդունելություն Վանաձորի և Գուգարքի տարածաշրջանի բնակիչների համար: Ընդունելությունն անցկացրեցին Լոռու մարզպետի տեղակալներ Տիգրան Բադոյանը և Վանիկ Ասատրյանը: Քաղաքացիների հարցերին առավել սպառիչ պատասխաններ տալու նպատակով ներկա էին նաև մարզպետարանի ստորաբաժանումների ներկայացուցիչներ: Առողջապահական և սոցիալական հարցերով մարզպետի տեղակալներին դիմեց շուրջ մեկ տասնյակ քաղաքացի: Ֆինանսական աջակցության ակնկալիքով և առողջական տարաբնույթ խնդիրներ ունեցող քաղաքացիներին մարզպետի տեղակալները տեղեկացրին, որ նրանց խնդրանքը կբավարարվի դիմում ներկայացնելու և խնդրանքը հիմնավորելու դեպքում: Տեղականալով, որ «Լույս հայի աչքերին» ծրագրի շրջանակներում առաջիկայում Լոռու մարզում կկայանի շարժական ակնաբուժարանը և աչքի անվճար վիրահատություններ կկատարվեն, նշված ծառայությունից օգտվելու ակնկալիքով դիմել էր 4 քաղաքացի: Նրանց պարզաբանվեց, որ անվճար վիրահատության իրավունքից կարող են օգտվել միայն սոցիալական խմբերում ընդգրկված և նպաստառու քաղաքացիները: Տեղեկացվեց նաև, որ վերջիններս պետք է հաշվառվեն իրենց թաղամասային համաբուժարաններում:
