Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ Արտակ Աղեկյանի և Հայկ Բարոյանի հոգեհանգիստը
04.03.2015
Մարտի 3-ին ՀՀ պաշտպանության նախարար Սեյրան Օհանյանը, ԼՂՀ պաշտպանության նախարար Մովսես Հակոբյանը, Լոռու մարզպետ Արթուր Նալբանդյանը, բարձրաստիճան զինվորականներ, պաշտոնատար այլ անձինք Տաշիր քաղաքում մասնակցեցին փետրվարի 28-ին ադրբեջանական դիվերսիան հետ մղելու հետևանքով զոհված փոխգնդապետ Արտակ Աղեկյանի և ժամկետային զինծառայող Հայկ Բարոյանի հոգեհանգստին: Հոգեհանգստի կարգը կատարեց Գուգարաց թեմի առաջնորդ Սեպուհ արքեպիսկոպոս Չուլջյանը: Ներկաներն իրենց ցավակցությունը և զորակցությունը հայտնեցին զոհվածների հարազատներին՝ երախտագիտություն հայտնելով նրանց Հայրենիքի քաջարի պաշտպաններ դաստիարակելու համար:
Արտակ Աղեկյանը ծնունդով Տաշիր քաղաքից է, Հայկ Բարոյանը՝ Սարչապետ համայնքից: Ցուցաբերած արիության համար նրանք պարգևատրվել են ԼՂՀ «Մարտական ծառայության համար» մեդալով:
Զոհվածներին զինվորական կարգով կհուղարկավորեն այսօր՝ Տաշիր քաղաքի գերեզմանատանը:
