Տեղեկատվական կենտրոն
Նորություններ
Կարևորվեց համագործակցությունը մարզպետարանի, համայնքապետարանների և ոստիկանության միջև
12.12.2014
Լոռու մարզպետարանի աշխատակիցների և մարզի խոշոր համայնքների ղեկավարների հետ ՀՀ ոստիկանության Լոռու մարզային վարչության ներկայացուցիչների հերթական հանդիպումը տեղի ոււնեցավ Լոռու մարզպետարանում՝ դեկտեմբերի 12-ին: Հանդիպման էին եկել Ոստիկանության Լոռու մարզային վարչության պետ, ոստիկանության գնդապետ Արտակ Կարապետյանը, վարչության պատասխանատու աշխատողներ: Քննարկվեց մարզպետարանի, համայնքների և ոստիկանության միջև համագործակցության ակտիվացման անհարժեշտությունը՝ մի շարք խնդիրներից խուսափելու նպատակով: Դպրոցներում արձանագրված հանցագործությունների վերջին դեպքերով պայմանավորված՝ առաջնային համարավեց հատկապես անչափահասների շրջանում տարվող բացատրական աշխատանքների իրականացումը, մարզպետարան-համայնք-դպրոց կապի սերտացումը:
Ոստիկանապետը տեղեկացրեց, որ տոնական օրերի հետ կապված ուժեղացվել է ոստիկանների շուրջօրյա հերթապահությունը՝ համայնքների ղեկավարներին ևս հորդորելով աչալուրջ լինել: Նա վերջիններիս խնդրեց նաև հետևողական լինել նախատոնական օրերին առևտրի ժամանակավոր կազմակերպման թույլտվություններ տրամադրելու հարցում: Քննարկվեցին նաև այլ հարցեր: