Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետի շնորհավորագիր՝ փոքրիկ դյուցազնին
03.06.2014
Վանաձորցի 6-ամյա հրաշամանուկ Սարիբեկ Մոսինյանն արդեն հանրաճանաչ մարդ է մեր երկրի մարզաշխարհում: Տարիքի համար արտասովոր ֆիզիկական հնարավորություններով օժտված փոքրիկն արդեն վեց ռեկորդների հեղինակ է և նույնքան անգամ էլ նրա ցուցանիշները գրանցվել են ՀՀ Դյուցազնագրքում: Իսկ բոլորովին վերջերս Վանաձորի առաջնությունում իր տարիքային խմբում առաջին մրցանակ էր նվաճել «Կարատե» մարզաձևից:
Փոքրիկ դյուցազնի նվաճումները չվրիպեցին Լոռու մարզպետ Արթուր Նալբանդյանի ուշադրությունից: Հայրիկի՝ Արեն Մոսինյանի հետ Սարիբեկը հրավիրվել էր մարզպետարան, ուր սպորտի և մշակույթի բաժնի պետ Արամ Ռևազյանը մարզպետի անունից նրան շնորհավորագիր և նվեր հանձնեց:
-Թանկագին Սարիբեկ, ջերմորեն շնորհավորում եմ քո հաղթանակը «Կարատե» մարզաձևից Վանաձորի առաջնությունում առաջին տեղ գրավելու առթիվ: Մենք միշտ հպարտացել ենք Դյուցազնագրքին վայել քո հաղթանակներով: Մաղթում ենք քաջառողջություն և նորանոր դյուցազնական նվաճումներ,- ասվում է մարզպետի շնորհավորագրում:
Ա. Ռևազյանի խնդրանքով փոքրիկը նաև բավականին վարժ արտասանեց Հայոց Այբուբենն ու մի մանկական բանաստեղծություն՝ բավականություն պարգևելով ներկաներին:
