Լոռու մարզպետի աշխատակազմ

Երեք տարի առաջ ԱՄՆ Խաղության կորպուսի նախաձեռնությամբ Հայաստանի Հանրապետությունում մեկնարկեց Սահմանից Սահման քայլարշավ, որի նպատակն էր բոլոր համայնքներում քարոզել ու պրոպագանդել առողջ ապրելակերպի գաղափարներ:
Այս տարի քայլարշավը կմեկնարկի հունիսի 1-ին և կավարտվի հունիսի 21-ին, նպատակ ունենալով կրթելու 1000 երեխայի, Հայաստանի ընդհանուր թվով 21 գյուղերում և քաղաքներում:
Նախորդ տարիների նման, 6-7 հոգուց բաղկացած Խաղաղության կորպուսի կամավորական խմբեր կքայլեն Հայաստանի տարածքով. մի խումբը կքայլի հյուսիսից Վրաստանի սահմանից, իսկ մյուս խումբը՝ հարավից Իրանի սահմանից: Քայլարշավի ընթացքում Խաղաղության կորպուսի կամավորները կանցկացնեն 6-ական շատ պարզ, բայց կարևոր դասեր՝ տվյալ համայնքի անդամների համար. առողջ սննդի, շրջակա միջավայրի, հիգիենայի, ծխախոտից և արկոհոլից կրած վնասների և դրանցից զերծ մնալու վերաբերյալ: Քայլարշավի ավարտին թիմերը կհանդիպեն Եղեգնաձորում:

Հյուսիսային թիմի անդամները Լոռու մարզ կժամանեն հունիսի 4-ից հետևյալ ժամանակացույցով

Ալավերդի - 4 հունիսի
Թումանյան – 5 հունիսի
Վանաձոր – 8 հունիսի
Մարգահովիտ– 9 հունիսի

Քայլարշավի ընթացքում կամավորական խմբերը կանցնեն նաև այլ գյուղերով և քաղաքներով, սակայն դասերը կանցկացվեն միմիայն նշված բնակավայրերում: