Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արթուր Նալբանդյանի շնորհավորական ուղերձը Թատրոնի միջազգային օրվա առթիվ
26.03.2014
Թատերարվեստի սիրելի գործիչներ,
ջերմորեն շնորհավորում եմ ձեզ թատրոնի միջազգային օրվա կապակցությամբ:
Հայոց թատրոնի հինավուրց պատմության ավանդույթների պահպանման ու զարգացման գործում Լոռին ունեցել և այսօր էլ ունի իր ծանրակշիռ ավանդը՝ թատերաշխարհի տաղանդավոր գործիչների՝ բեմադրիչների, դերասանների, դրամատուրգների, բեմանկարիչների փայլուն փաղանգի, թատրոնի նվիրյալ աշխատողների և, իհարկե, թատերասեր հանդիսատեսի մի քանի սերունդների իրողությամբ:
Այսօր մենք հպարտությամբ ենք նշում, որ Լոռու մարզի պետական և համայնքային թատրոններն իրենց մեծագույն ներդրումն ունեն հանրապետության թատերական, մշակութային կյանքում: Այդ մասին են վկայում միջազգային ասպարեզում ունեցած բազմաթիվ ձեռքբերումները, լոռեցի արվեստագետների այն հեղինակավոր անունները, որոնք հնչում են աշխարհի տարբեր բեմերում: Այդ է վկայում Հայաստանի փոքր քաղաքներից մեկի՝ Ալավերդու թատերական միջազգային ավանդական փառատոն անցկացնելու հավակնոտությունը, որը պսակվում է հաջողությամբ:
Թատրոնի միջազգային օրվա առթիվ մաղթում եմ Ձեզ ստեղծագործական անհատնում եռանդ և նորանոր հաջողություններ:
