Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կարևորվեց գազամատակարաման, էլեկտրամատակարարման և ջրամատակարարման այլընտրանքային տարբերակների առկայությունը
13.02.2014
Փետրվարի 13-ին Լոռու մարզպետարանում տեղի ունեցավ Արտակարգ իրավիճակների Լոռու մարզային հանձնաժողովի արտահերթ նիստը, որը վարում էր հանձնաժողովի նախագահ, Լոռու մարզպետ Արթուր Նալբանդյանը:
Նիստի հրավիրման նպատակը փետրվարի 3-ի տեղի ունեցած գազատարի վթարի հետևանքով մարզկենտրոնում ստեղծված արտակարգ իրավիճակի վերլուծությունն էր: Ա. Նալբանդյանի պահանջով Լոռու ԳԳՄ, «Հայէլեկտրացանցեր» ընկերության «Դեբեդ» մասնաճյուղի, «Լոռի ջրմուղկոյուղի» ընկերության, ԱԻՆ Լոռու մարզային փրկարարական վարչության պատասխանատուները, Վանաձորի քաղաքապետ Սամվել Դարբինյանը զեկուցեցին այդ և հետագա օրերին կատարված վթարվերականգնողական աշխատանքների մասին: Նշեցին, որ համապատասխան կառույցները զօրուգիշեր աշխատանքներ են տարել վթարները օր առաջ վերականգնելու համար: Ա. Նալբանդյանը կարևորեց գազի, էլեկտրաէներգիայի և ջրամատակարարման այլընտրանքային միջոցների առկայությունը հատկապես կենսական նշանակության օբյեկտներում:
-Կատարվածից պետք է դասեր քաղել, քննարկել այլընտրանքային տարբերակների ներդրման հնարավորությունները, լուրջ ջանքեր գործադրել ենթակառուցվածքները բարձր պատրաստականության բերելու համար, որպեսզի հնարավոր արտակարգ իրավիճակների դեպքում, նմանատիպ փաստի առջև չկանգնենք: Մեր առաջնային խնդիրը նման դեպքերը կանխելն է, իսկ հնարավոր դեպքերի ժամանակ՝ համախմբված գործելը,- ասաց մարզի ղեկավարը:
Ա. Նալբանդյանը գնահատանքի խոսք հայտնեց վթարվերականգնողական աշխատանքներն իրականացրած բոլոր մասնագետներին՝ վստահեցնելով, որ նրանք կխրախուսվեն մարզպետի կողմից:
