Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դիակոնիա հիմնադրամն աջակցություն ցուցաբերեց Վանաձորի անապահով 200 ընտանիքների
20.12.2013
«Դիակոնիա» բարեգործական հիմնադրամը հերթական ակցիայի շրջանակներում Վանաձորի 200 բազմազավակ ընտանիքների և միայնակ տարեցների բաշխեց սննդամթերք։
Այս կազմակերպությունը Լոռու մարզում գործունեություն է ծավալում արդեն երկու տարի և բազմաթիվ ծրագրեր է իրականացրել։ Ամռանը հիմնադրամը կազմակերպել է անապահով ընտանիքների երեխաների հանգիստը ճամբարներում, իսկ սեպտեմբերի 1-ին գրենական պիտույքներ է տրամադրել անապահով ընտանիքների աշակերտներին։ Շահառուների թվում են Վանաձորի երեխաների խնամքի կենտրոնի թիվ 1 հատուկ դպրոցի, «Օրրան» բարեգործական հկ-ի Վանաձորի մասնաճյուղի երեխաները։
Լոռու մարզպետարանի զարգացման ծրագրերի և վերլուծության բաժնի պետ Հասմիկ Մկրտչյանի տեղեկացմամբ «Դիակոնիա» բարեգործական հիմնադրամն իր ծրագրերը հիմնականում իրականացնում է Վանաձոր, Ստեփանավան, Ալավերդի, Ախթալա, Թումանյան, Գոգարան, Վահագնաձոր, Ջիլիզա և Արջուտ համայնքներում։
Թումանյան համայնքում վերանորոգվել է մանկապարտեզը, քաղաքում կհիմնադրվի նաև կարի արտադրամաս, Արջուտում նախատեսված է ստեղծել մեղվաբուծարան, Դսեղի առողջության կենտրոնի համար աջակցության ծրագիր կիրականացվի։ Ընդհանուր առմամբ՝ մարզի 10 գյուղական համայնքային ամբուլատորիաներին կհատկացվեն սառնարաններ։ Սոցիալական աջակցության բազմաթիվ այլ ծրագրեր կիրականացվեն 2014թ. հունվար-փետրվար ամիսներին:
