Լոռու մարզպետի աշխատակազմ

Մեծ Պարնիի համայնքապետարանը շուրջ 25 տարի տնակային պայմաններում գործելուց հետո տեղափոխվել է քարաշեն հարմարավետ շինություն: Համայնքային կենտրոնը կառուցվել է մարզպետարանի հրատապ ծրագրերի շրջանակներում։ Ներդրվել է շուրջ 42 մլն դրամ: Գույքը գնվել է համայնքային բյուջեի միջոցներով:

  Բացման հանդիսավոր արարողությանը ներկա էր Լոռու մարզպետ Արթուր Նալբանդյանը:

Կարմիր ժապավենը կտրելու պատիվը վերապահված էր Լոռու մարզպետին ու համայնքի ղեկավար Գագիկ Պալյանին:

Մարզպետը շնորհավորեց համայնքի բանկիչներին ու համայնքապետարանի աշխատակազմին կենտրոնի բացման առիթով:

 Ապա տեղի ունեցավ երկրաշարժի զոհերի հիշատակին նվիրված խաչքարի բացումը: Խաչքար տեղադրելու մտահղացումը համայնքի ղեկավարինն է եղել:

-Համոզված եմ, որ նոր կենտրոնում համայնքային աշխատողների և հատկապես գյուղապետի ու ավագանու աշխատանքներն առավել արդյունավետ կդառնան:

Ինչ վերաբերում է երկրաշարժի զոհերի հիշատակին նվիրված խաչքարի բացմանը, ապա ուզում եմ շնորհակալություն հայտնել Մեծ Պարնիի գյուղապետին և նրա ընտանիքի անդամներին, համայնքի բնակիչներին նման կարևոր նախաձեռնության համար,- ասաց մարզպետը:

 Տեր Մերուժան քահանա Սողոյանը օրհնության, ապա նաև հոգեհանգստի կարգ կատարեց: 

 Արթուր Նալբանդյանի ու Գագիկ Պալյանի համոզմամբ հուշաքարի տարածքը Վերածննդի այգու կվերածվի, նրանց աջակցությամբ այդ նպատակով կբարեկարգվի շուրջ 3500 քմ տարածք:

 Մարզպետի համոզմամբ՝ Մեծ Պարնիի բնակիչների համար այն ուխտատեղի կդառնա: