Տեղեկատվական կենտրոն
Նորություններ
Տեղի ունեցավ Զբոսաշրջության միջազգային օրվան նվիրված էքսպո
28.09.2013
Սեպտեմբերի 27-ին, Երևան քաղաքի Հյուսիսային պողոտայում կայացավ զբոսաշրջության միջազգային օրվան նվիրված միջոցառում: Այն կազմակերպվել էր Հայաստանի երիտասարդական հիմնադրամի կողմից: Էքսպոյի նպատակն էր ՀՀ-ում խթանել զբոսաշրջության զարգացումը:
Մարզպետարանի աջակցությամբ Հայաստանի երիտասարդական հիմնադրամի Լոռու մարզային կենտրոնը նույնպես մասնակցեց միջոցառմանը: Պատվիրակությունը գլխավորում էր Լոռու փոխմարզպետ Տիգրան Բադոյանը:
Միջոցառմանն աջակցելու, Լոռու մարզը լավագույնս ներկայացնելու համար Լոռու մարզպետ Արթուր Նալբանդյանին երիտասարդական հիմնադրամի հոգաբարձումների խորհրդի նախագահ, ԱԺ պատգամավոր Կարեն Ավագյանի կողմից շնորհակալագիր փոխանցվեց:
Լոռու մարզը ներկայացավ իր սովորույթներով, տարազներով, արվեստի նմուշներով, ճաշատեսակներով՝ արժանանալով հյուրերի հավանությանը: Տաղավարի մոտ ցուցադրվում էին մարզի մասին պատմող տեսահոլովակներ, վահանակներ:
Ժյուրիի գնահատմամաբ՝ Լոռու մարզի տաղավարը լավագույն եռյակում էր: