Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արթուր Նալբանդյանի անունից պատվոգիր հանձնվեց Փիթեր Սուրյանին
17.07.2013
Հուլիսի 16-ին Լոռու մարզային գրադարանում Հայաստանի գրողների միության Լոռու մարզային բաժանմունքը լոռեցի գրողների և մտավորականների համար կազմակերպել էր հանդիպում ամերիկահայ անվանի գրող, հրապարակախոս և անգլերեն լեզվի ու գրականության պրոֆեսոր Փիթեր Սուրյանի և ամերիկահայ ճանաչված, հրապարակախոս, պատմաբան, թարգմանիչ, խմբագիր Արամ Արքունի հետ:
Հյուրերը Հայաստան էին այցելել օրերս Ծաղկաձորի «Գրողների տանը» կայացած օտարագիր հայ գրողների համաժողովի շրջանակներում:
Լոռու մարզպետ Արթուր Նալբանդյանի անունից ողջույնի խոսքով հանդես եկավ Լոռու մարզպետարանի կրթության, մշակույթի և սպորտի վարչության, մշակույթի և սպորտի բաժնի առաջատար մասնագետ Մհեր Մելիքյանը: Նա հեղինակին նորանոր հաջողություններ մաղթելով՝ հանձնեց Լոռու մարզպետ Ա. Նալբանդյանի պատվոգիրը` ԱՄՆ-ի սփյուռքահայ գաղութում ազգային արժեքների պահպանման և զարգացման գործում ունեցած մեծ ավանդի, ամերիկահայ հանրությանը հայկական ինքնության դրսևորումները բարձրարվեստ ներկայացնելու համար:
