Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ռհոն-Ալպեր ռեգիոնի աջակցությամբ
09.07.2013
Հուլիսի 9-ին Լոռու մարզպետ Արթուր Նալբանդյանն իր աշխատասենյակում ընդունեց Ֆրանսիայի «Զարգացման մեթոդների կիրառման և հետազոտման ինստիտուտի», Ռհոն- Ալպերի ապակենտրոնացման համագործակցությունների ծրագրերի պատասխանատու ժյուլի Կոնվերսին և Հայաստանում Ֆրանսիայի Ռհոն-Ալպեր ռեգիոնի ներկայացուցիչ, Ռհոն-Ալպերի ապակենտրոնացված համագործակցության ծրագրերի համակարգող Անահիտ Դավթյանին: Հանդիպմանը մասնակցում էին նաև մարզպետի խորհրդական Լևոն Ասլանյանը և մարզպետարանի աշխատակազմի զարգացման ծրագրերի և վերլուծության բաժնի պետ Հասմիկ Մկրտչյանը:
Ժ.Կոնվերսին մարզի ղեկավարից ցանկանում էր տեղեկանալ՝ ինչպիսի ազդեցություն ունեն Ռհոն-Ալպեր ռեգիոնի աջակցությամբ իրականացվող ծրագրերը մարզի համայնքների զարգացման վրա և ինչպես է Ա. Նալբանդյանը գնահատում Հայաստանի համայնքների միության դերակատարությունը այդ համագործակցության իրականացման գործում: Կարևորելով համագործակցությունը՝ մարզպետը վստահեցրեց, որ իրականացվող ծրագրերը տալիս են իրենց ցանկալի արդյունքը:
Հյուրի խնդրանքով նա նաև ներկայացրեց մարզպետարանի՝ որպես տարածքային պետական կառավարում իրականացնող մարմնի գործառույթները, տեղական ինքնակառավարման համակարգի առանձնահատկությունները:
