Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գործարկվեց լուսավորության նոր համակարգը
10.06.2013
Հունիսի 10-ի Օձուն համայնքում հանդիսավոր պայմաններում գործարկվեց լուսավորության նոր համակարգը: Աշխատանքները կատարվել են ՀՀ պետբյուջեից ֆինանսավորվող չորրորդ հրատապ ծրագրի շրջանակներում: Այդ նպատակով ներդրվել է 14 մլն դրամ:
Հանդիսավոր բացմանը ներկա էր նաև Լոռու մարզպետ Արթուր Նալբանդյանը:
Լուսավորվել են հիմնականում գյուղի կենտրոնական փողոցները: Համայնքի ղեկավար Արսեն Տիտանյանի վստահեցմամբ՝ խորհրդային տարիներին Օձունը եղել է քաղաքատիպ համայնք, լուսավորված և ասֆալտապատված են եղել գրեթե բոլոր հատվածները: Այժմ նպատակ կա վերականգնելու համայնքի նախկին տեսքը և այդ ուղղությամբ քայլեր են ձեռնարկվում նաև համայնքային միջոցներով: Օձունում միտում կա զարգացնելու զբոսաշրջությունը: Լուսավորված ու ասֆալտապատված փողոցները նույնպես կնպաստեն այդ ծրագրի իրականացմանը:
Կառավարության կողմից հատկացված միջոցներով հրատապ ծրագրերի շրջանակներում Օձունում վերանորոգվել է նաև մանկապարտեզի, գյուղապետարանի շենքի տանիքները, կատարվել են ասֆալտապատման աշխատանքներ:
Ա. Տիտանյանի տեղեկացմամբ, այս տարվա բնապահպանական հատկացումներով Օձուն համայնքում շուրջ 50 մլն դրամի ասֆալտապատման աշխատանքներ ևս կիրականացվեն:
