Տեղեկատվական կենտրոն
Նորություններ
Սուրբ Պատարագ Մեծ Եղեռնի զոհերի հիշատակին
25.04.2013
Ապրիլի 24-ին վաղ առավոտյան Սուրբ պատարագ մատուցվեց Վանաձորի Սուրբ Աստվածածին եկեղեցում: Ապա Գուգարաց թեմի առաջնորդ Սեպուհ արքեպիսկոպոս Չուլջյանի հանդիսապետությամբ հոգևոր դասը հոգեհանգստի կարգ կատարեց եկեղեցու նահատակաց պուրակում տեղադրված հուշակոթողի մոտ՝ նվիրված 1915թ. Հայոց Մեծ եղեռնի զոհերի հիշատակին: Մասնակցում էին Լոռու մարզպետ Արթուր Նալբանդյանը, Աժ պատգամավոր Էդմոն Մարուքյանը, փոխմարզպետները, Վանաձորի քաղաքապետ Սամվել Դարբինյանը, ուժային կառույցների ներկայացուցիչներ, այլ պաշտոնատար անձինք:
Արարողակարգից հետո ներկաները ծաղիկներ և ծաղկեպսակներ դրեցին Մեծ Եղեռնի զոհերի հիշատակը հավերժացնող խաչքար-հուշարձանին: