Տեղեկատվական կենտրոն
Նորություններ
Հաջորդ նիստը կկայանա Ալավերդիում
23.11.2011
23.11.2011թ. կայացավ Հաշմանդամություն ունեցող անձանց հարցերով զբաղվող Լոռու մարզային հանձնաժողովի հերթական նիստը, որին մասնակցում էին նաև հրավիրյալներ, հաշմանդամության հարցերով զբաղվող ՀԿ-ների և ԶԼՄ-ների ներկայացուցիչներ:
Հանձնաժողովի քարտուղար Վ.Ջաղինյանը ներկայացրեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի համալրման մասին /“Երուսաղեմի սուրբ Ղազարի Օրդենը Հայաստանում” բարեգործական հիմնադրամի տնօրեն Ժակլին Հեքիմյան, “Լիարժեք կյանք” ՀԿ-ի Տաշիրի մասնաճյուղի ղեկավար, “Սիփան” սպորտային ակումբի նախագահ, 2003թ. բազկամարտի աշխարհի չեմպիոն Սերոբ Աբրահամյան, “Ունիսոն” ՀԿ-ի Սպիտակի մասնաճյուղի ղեկավար Արուսյակ Ասատրյան/:
Այնուհետև Հանձնաժողովը ակտիվորեն քննարկեց Թումանյանի տարածաշրջանի կենտրոն Ալավերդի քաղաքում 02.12.2011թ. կայանալիք Հանձնաժողովի արտագնա նիստի օրակարգը /մասնավորապես՝ կկատարվի քաղաքացիների ընդունելություն, Հաշմանդամների ստեղծագործությունների ցուցահանդես-վաճառք, գեղարվեստական մաս, որի մաս կկազմի Վանաձորի պետական մանկավարժական ինստիտուտի ուսանողների կողմից բեմադրված <<Հրեշտակի թևերով>> հաշմանդամների հիմնա-խնդիրներին նվիրված ներկայացումը/, կլոր-սեղանի անցկացում/: Առաջարկվել է, որ Հանձնաժողովի նիստին կհրավիրվեն նաև տարածաշրջանում տնտեսական գործունեու-թյուն իրականացնող գործարարների՝ ակտիվ երկխոսության և լրատվամիջոցներին՝ աշխատանքների հրապարակայնությունն ապահովելու նպատակով:
Քանի որ Թումանյանի տարածաշրջանում առաջին անգամ է կազմակերպվում նման միջոցառում, ապա բազմաբնույթ թեմաներով հանդես կգան Հանձնաժողովի անդամները, մասնավորապես՝ Վանաձորի զբաղվածության մարզային կենտրոնի տնօրեն Արա Առաքելյանը կներկայացնի իրենց կառույցի կողմից Հաշմանդամություն ունեցող անձանց շրջանում իրականացվող աշխատանքների, <<Լուսաստղ>> ԲՀԿ-ի փոխնախագահ Անի Գաբրիելյանը կխոսի <<Լուսաստղ>> ԲՀԿ-ի <<Պաշտպանենք ինքներս մեզ>> նոր մեկնարկած ծրագրի, <<Լիարժեք կյանք>> ՍՀԿ-ի նախագահ Սուրեն Մաղաքյանը՝ կազմակերպության կողմից 2011թ. կատարված աշխատանքների և իրենց կողմից տարածաշրջանում իրականացվելիք մտահղացումների, Լոռու մարզային գրադարանի տնօրեն Անահիտ Քոչարյանը՝ <<Արև>>, <<Ընտանեկան գրադարա-նավար>> ծրագրերի և վերջերս իրենց համակարգում իրականացված առցանց Առողջապահական կամուրջի, <<Արան>> հենաշարժողական ՀԿ-ի նախագահ Սերգեյ Նազարյանը՝ պրոթեզավորման կարգի, իսկ <<Մանկական կենտրոն>> ՍՀԿ-ի նախագահ Թամարա Գրիգորյանը՝ իրենց աջակցությամբ արերկրի բժիշկների կողմից իրականացվող առողջապահական ծրագրի մասին և այլն:
Առավել ակտիվ մասնակիցներին խրախուսելու իրենց պատրաստականությունը հայտնեցին “Երուսաղեմի սուրբ Ղազարի Օրդենը Հայաստանում” բարեգործական հիմնադրամի տնօրեն Ժ.Հեքիմյանը, “Լիարժեք կյանք” ՀԿ-ինախագահ Ս.Մաղաքյանը, <<Արան>> հենաշարժողական ՀԿ-ի նախագահ Ս.Նազարյանը, Լոռու մարզի <<Մշակույթ, սպորտ, երիտասարդություն>> հիմնադրամի հոգաբարձուների խորհրդի ներկայացուցիչ պարոն Է.Մացակյանը:
Հաշմանդամություն ունեցող անձանց հարցերով զբաղվող Լոռու մարզային հանձնա¬ժողովի քարտուղար Վ.Ջաղինյանին հանձնարարվեց համակարգել առաջիկա աշխատանքների կազմակերպման գործընթացը:
Հանձնաժողովի նիստը լուսաբանվեց լրատվամիջոցների կողմից: