Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի շնորհավորական ուղերձը «Գրադարանավարի օրվա» առթիվ
07.10.2024
Գրադարանային համակարգի հարգելի՛ աշխատակիցներ, շնորհավորում եմ ձեզ մասնագիտական տոնի կապակցությամբ:
Գրադարանները մշտապես առանձնահատուկ դեր են ունեցել հասարակության կրթական մակարդակի բարձրացման, հայրենասիրություն, հոգևոր և մշակութային արժեքներ սերմանելու, արժանապատիվ քաղաքացի դաստիարակելու գործում։
Ու այժմ էլ՝ չնայած մեր կյանքի բոլոր ոլորտներում տեղեկատվական տեխնոլոգիաների և հաղորդակցության միջոցների լայն տարածմանը՝ գրադարանները շարունակում են լինել կրթական և գիտական կարևոր ու անփոխարինելի կենտրոններ:
Այսօր Լոռու մարզում գործում է 18 գրադարան՝ շուրջ 150 աշխատակիցներով, որոնց մեծ մասը բարձր որակավորում ունեցող մասնագետներ են։ Խորին երախտագիտությունս նրանց՝ ամենօրյա նվիրյալ և անխոնջ աշխատանքի համար: Դուք ջանք չեք խնայում, որպեսզի մարզային և համայնքային գրադարանները դառնան զարգացման կենտրոններ, սիրելի ու անփոխարինելի գիտակրթական օջախներ թե՛ պատանիների ու երիտասարդների ու թե՛ ավելի հասուն տարիքի մեր քաղաքացիների համար:
Սիրելի՛ գրադարանավարներ, վստահ եմ, որ ձեր բարձր պրոֆեսիոնալիզմը և հարուստ փորձը թույլ կտան հաջողությամբ կյանքի կոչել գրադարանների պահպանման և զարգացման կարևոր ծրագրերը:
Կրկին շնորհավորում եմ բոլորիդ «Գրադարանավարի օրվա» առթիվ, մաղթում մասնագիտական հաջողություններ ձեր պատասխանատու աշխատանքում և նորանոր ընթերցողներ:
