Լոռու մարզպետի աշխատակազմ

Թանկագի՛ն տարեցներ, սիրելի՛ ծնողներ, պապիկնե՛ր, տատիկնե՛ր,
ջերմորեն շնորհավորում եմ ձեզ Տարեցների միջազգային օրվա առթիվ:
Տարեցների միջազգային օրը ձեր զավակների, թոռ ու ծոռների կողմից ձեր նկատմամբ տածած սիրո ու երախտագիտության մատուցման օրն է:
Բոլոր զավակների անունից ընդունեք իմ ջերմ շնորհավորանքները Տարեցների միջազգային օրվա առթիվ: Թող ձեր բարի օրհնանքն անպակաս լինի մեզնից:
Հայ ընտանիքն ավանդաբար ջերմ վերաբերմունք, անկեղծ հարգանք է ցուցաբերել ընտանիքի մեծի, ավագի նկատմամբ, բազմաթիվ ասացվածքներ ու առածներ ձոնել՝ ընդգծելով տարեցի նկատմամբ հոգատարություն ցուցաբերելու կարևորությունը, անհրաժեշտությունը:
Պետական աջակցության տարբեր ծրագրերով ևս սոցիալական և առողջապահական փաթեթներ են մշակվում, տարբեր միջոցներ են ձեռնարկվում տարեցների հոգսը թեթևացնելու, նրանց համար բարեկեցիկ ծերություն ապահովելու ուղղությամբ:
Թանկագի’ն տարեցներ,
տոնի առիթով ցանկանում եմ խորին շնորհակալություն հայտնել ձեր մեծագույն վաստակի, հայրենասեր զավակներ ծնելու և դաստիարակելու համար:
Մաղթում եմ քաջառողջություն, երջանիկ ծերություն, սիրով և ջերմ վերաբերմունքով լի մթնոլորտում երկար տարիների կյանք: