Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի շնորհավորական ուղերձը Սահմանադրության օրվա կապակցությամբ
04.07.2024
![](http://lori.mtad.am/files/n_pics/38942_s.jpg)
Սիրելի՛լոռեցիներ, շնորհավորում եմ Սահմանադրության օրվա կապակցությամբ։
Սահմանադրության դերն անգնահատելի է մեր երկրի՝ ինքնիշխան, ժողովրդավարական, սոցիալական և իրավական պետության կայացման ճանապարհին: Հայաստանի Հանրապետության «Մայր օրենքի» կարևորագույն հոդվածներն արտացոլում են մեր երկրի զարգացման տեսլականը:
Պատահական չէ, որ այսօր մենք նշում ենք նաև պետական խորհրդանիշերի օրը, որոնց շարքում կարևորագույն տեղ ունի ՀՀ Սահմանադրությունը: Այն ամբողջացնում է մեր անկախ պետականության բովանդակությունը։
Սահմանադրությունը ժողովրդի և պետության համար ունի կարևորագույն նշանակություն: Սահմանադրությունը մարդու և քաղաքացու իրավունքների ու ազատությունների գլխավոր երաշխավորն է և միաժամանակ սահմանում է յուրաքանչյուրիս պարտավորությունները մեր երկրի հանդեպ:
«Մայր օրենքի» անվերապահ կատարումը բոլորիս սրբազան պարտականությունն է:
Հայաստանի Հանրապետության կառավարությունը շարունակում է իրավական դաշտի բարեփոխումներին ուղղված քայլերը, որոնք միտված են յուրաքանչյուր քաղաքացու կյանքը, իրավունքներն ու ազատություններն առավել պաշտպանված դարձնելուն:
Կրկին շնորհավորելով այս կարևոր տոնի առթիվ` մաղթում եմ խաղաղություն, բարեկեցություն և շարունակական զարգացում: