Լոռու մարզպետի աշխատակազմ

Ցավով տեղեկացա Հայաստանի Հանրապետության ԱԺ նախկին պատգամավոր, Վանաձոր համայնքի ավագանու նախկին անդամ, Երկրապահ կամավորականների միության անդամ, մեր համաքաղաքացի Կարեն Բաղիշի Սարիբեկյանի մահվան մասին:
Կարեն Սարիբեկյանը մասնակից է դարձել հայրենիքի պաշտպանության համար մղված մարտերին: Որպես ավագանու անդամ և ԱԺ պատգամավոր՝ նա աչքի է ընկել բազմաթիվ նախաձեռնություններով, իր ներդրումն ունեցել երկրի ու ծննդավայրի զարգացման գործում:
Կարեն Սարիբեկյանը վայելում էր համաքաղաքացիների, գործընկերների սերն ու հարգանքը:
Ծանր հիվանդությունը, սակայն, անողոք գտնվեց՝ նրան խլելով խիստ անժամանակ, երբ նա դեռ շատ անելիքներ ուներ:
Հարգելի Կարեն Բաղիշի, հանգչի՛ր խաղաղությամբ:
Ցավակցում եմ ընտանիքի անդամներին, հարազատներին, ընկերներին, մեզ՝ բոլորիս: