Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի շնորհավորական ուղերձը Կանանց միջազգային օրվա կապակցությամբ
07.03.2024
Թանկագի՛ն կանայք, մայրե՛ր և քույրե՛ր, ջերմորեն շնորհավորում եմ ձեզ Կանանց միջազգային օրվա՝ Մարտի 8-ի առթիվ։
Այս գեղեցիկ տոնը առիթ է խոսելու ձեր նկատմամբ ունեցած մեր սիրո ու ակնածանքի մասին, ընդգծելու ձեր առաքելությունը, դերակատարությունը մեր երկրի պետականության կայացման, հայկական ավանդական ընտանիքի պահպանության գործում: Հայ ժողովրդի հազարամյակների պատմությունը լի է հայ կնոջ արիության և անձնազոհության օրինակներով: Այսօր ևս ձեզ դժվարին ժամանակներ են բաժին հասել: Ձեզնից շատերն իրենց փխրուն ուսերին ստիպված են լինում կրել ընտանիքի հոգսը, միևնույն ժամանակ դաստիարակել հայրենիքի համար արժանի զավակներ: Խորին խոնարհումս՝ հերոսածին մայրերին, ովքեր մայրական քնքշանքի ու գորովանքի հետ մեկտեղ իրենց զավակների մեջ սերմանել են անսահման սերը հայրենիքի հանդեպ և պատրաստակամությունը՝ հանուն մեր երկրի սահմանների անառիկության, չխնայել անգամ ամենաթանկը՝ կյանքը: Փա՛ռք ու պատիվ ձեզ:
Սիրելի՛ կանայք, գնահատելի է ձեր ակտիվ մասնակցությունը նաև հասարակական-քաղաքական կյանքի բոլոր ոլորտներում: Ցանկացած բնագավառում հանդես գալով՝ որպես հմուտ կազմակերպիչներ, դուք առանձնանում եք գործի նկատմամբ ունեցած պատասխանատվությամբ: Դուք արժանի եք մեծարանքի, սիրո և ընտանեկան երջանկության: Ցանկանում եմ, որ ձեզնից յուրաքանչյուրը կյանքում ունենա ամուր ընտանիք։
Կրկին շնորհավորելով այս գեղեցիկ տոնի կապակցությամբ՝ մաղթում եմ, որ գարնանային այս հիասքանչ օրը, դուք վայելեք երջանկություն և բերկրանք։
