Լոռու մարզպետի աշխատակազմ

Սիրելի՛ լոռեցիներ, զինված ուժերի հարգելի՛ ներկայացուցիչներ, շնորհավորում եմ ձեզ Հայոց փառապանծ բանակի օրվա կապակցությամբ:
Մեր բանակը՝ քաջ զինվորները, սպաներն ու գեներալներն են մեր երկրի սահմանների պահապանները, մեր անկախության ու անվտանգության երաշխավորները:
Հայ ժողովրդի անվտանգությունն ինչպես նախկինում՝ այսօր էլ, շարունակում է մնալ բացարձակ առաջնահերթություն և մեծապես հենց ձեզնի՛ց է կախված՝ ինչպիսին կլինեն լուսաբացները հայոց երկնակամարում:
Հայ ժողովուրդի միակ ցանկությունն է ապրել ու արարել, սերունդներ կրթել ու դաստիարակել խաղաղ երկնքի տակ, իսկ լիակատար խաղաղություն կարող է լինել միայն այն ժամանակ, երբ անառիկ են երկրի սահմաններն, ու հզոր է բանակը:
ՀՀ կառավարության որդեգրած քաղաքականության՝ համակարգային բարեփոխումների ճանապարհով, վստահ եմ, կկարողանանք ունենալ առավել պրոֆեսիոնալ բանակ՝ կառուցելով մեր երկրի անվտանգային կուռ համակարգը: Բանակի մարտունակությունը, սպառազինությունը, ծառայության պայմանները բարելավելը մեր երկրի առաջնահերթությունն է։
Սիրելի՛ հայրենակիցներ,
Հայոց բանակի օրվա առիթով առանձնահատուկ շնորհավորում եմ մեր բանակի ձևավորման հիմքում եղած բոլոր ազատամարտիկներին, կամավորներին, զինվորներին, սպաներին, գեներալներին:
Իմ խոնարհումն ու երախտագիտությունն եմ հայտնում նաև Հայրենիքի բոլոր պաշտպաններին, ովքեր երբևէ պատիվ են ունեցել անմնացորդ ծառայելու մեր երկրին ու ժողովրդին: Շնորհակալություն եմ հայտնում նաև նրանց ընտանիքներին՝ համբերության, տոկունության և իրենց զինծառայող հարազատների ու Հայրենիքի թիկունքին ամուր կանգնելու համար:
Խորին խոնարհումս մեր հերոս նահատակների առաջ. նրանց հիշատակն անմահ է, նրանց անունները ոսկե տառերով են գրվելու հայոց պատմության էջերում:
Փա՛ռք ձեզ, տղանե՛ր:
Կրկին շնորհավորելով՝ Հայոց բանակի օրվա կապակցությամբ՝ ուզում եմ բոլոր զինծառայողներին մաղթել տոկունություն, առողջություն, հաղթական բազուկ:
Փա՛ռք Հայոց բանակին:
Կեցցե՛ Հայաստանի Հանրապետությունը: