Լոռու մարզպետի աշխատակազմ

Ազգային անվտանգության ծառայության հարգելի՛ աշխատակիցներ, ջերմորեն շնորհավորում եմ ձեզ՝ մասնագիտական տոնի առթիվ:
Ձեր գործունեությունն ուղղված է մեր Հայրենիքի անվտանգության ապահովմանն ու ամրապնդմանը:
Մենք բարձր ենք գնահատում ձեր դերն ու առաքելությունը մեր պետականության անվտանգության ապահովման կարևորագույն գործում: Ձեր գործունեությունը հաճախ տեսանելի չէ քաղաքացիներին, ավելին, ձեր աշխատանքի արդյունքների մասին հանրությունը հաճախ իրազեկվում է տարիներ անց, սակայն այն չափազանց կարևոր ու նշանակալի է բոլոր բնագավառների բնականոն գործունեության համար և էական ազդեցություն է թողնում պետության կայուն զարգացման հետագա ընթացքի վրա:
Բարձր գնահատանքի են արժանի բոլոր այն ծառայողներն, ովքեր անձնվիրաբար, Հայրենիքին մեծ նվիրումով են իրականացնում իրենց առջև դրված բարդ խնդիրները՝ ժամանակին արձագանքելով ներքին և արտաքին սպառնալիքներին, մեր երկրի առջև ծառացող տարաբնույթ մարտահրավերներին:
Եվս մեկ անգամ ջերմորեն շնորհավորելով բոլորիդ ձեր մասնագիտական տոնի առթիվ՝ մաղթում եմ քաջառողջություն և աշխատանքային հետագա հաջողություններ՝ հանուն Հայաստանի Հանրապետության անվտանգության: