Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Խաչատրյանի ուղերձը Տարեցների միջազգային օրվա կապակցությամբ
29.09.2023
Թանկագի՛ն տարեցներ, սիրելի՛ ծնողներ, պապիկնե՛ր, տատիկնե՛ր,
այսօր՝ Տարեցների միջազգային օրվա առթիվ, ուզում եմ հարգանքս և խոնարհումս հայտնել ձեզ՝ ձեր վաստակի, բարի խորհուրդների, փորձառության և իմաստության համար, որոնք փոխանցում եք սերունդներին՝ հորդորելով լինել մեծահոգի, բարի, ազնիվ ու հոգացավ:
Հայկական ընտանիքներում ավանդաբար մեծ է հարգանքը ընտանիքի մեծերի, նկատմամբ, տան ավագի որոշումներն անբեկանելի են եղել մշտապես, պատկառանքը նրանց նկատմամբ՝ մեծ: Մենք ձգտում ենք և այսուհետ ևս ջանալու ենք մեր ուժերի ներածին չափով բավարարելու ձեր՝ արժանապատիվ ծերություն ունենալու ակնկալիքները և ապահովելու բարեկեցիկ կյանք ու հոգատար վերաբերմունք:
Այսօր, հայ ժողովրդի համար այս ծանր իրավիճակում, առանձնակի հոգածության կարիք ունեն Լեռնային Ղարաբաղից բռնի տեղահանված մեր տարեցները, որոնց նույնպես պետք է շրջապատենք անհրաժեշտ հոգատարությամբ, որպեսզի հայրենի բնօրրանից հեռու կարողանան արժանապատվորեն ապրել իրենց կյանքի տարիները:
Մաղթում եմ քաջառողջություն, երջանիկ ծերություն, սիրով և ջերմ վերաբերմունքով լի մթնոլորտում երկար տարիների կյանք ձեզ, թանկագի՛ն տարեցներ:
