Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ԼՈՌՈՒ ՄԱՐԶՊԵՏ ԱՐԱՄ ԽԱՉԱՏՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԿԱՆԱՆՑ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ
07.03.2023
Թանկագի՛ն կանայք, մայրե՛ր, քույրե՛ր
Ջերմորեն շնորհավորում եմ Ձեզ գարնանային զարթոնքը խորհրդանշող այս գեղեցիկ տոնի՝ Մարտի 8-ի և միամսյակի մեկնարկի կապակցությամբ:
Եղե՛ք միշտ ուրախ, հմայիչ ու գեղեցիկ՝ շրջապատված ուշադրությամբ ու հոգատարությամբ, մեծարված ու սիրված՝ ձեզ շրջապատող բոլոր մարդկանց կողմից: Թո՛ղ բարին հովանի լինի ձեզ և ձեր ընտանիքներին:
Հավատացե՛ք, բոլոր տղամարդիկ՝ լինի՝ հայր, եղբայր, ամուսին, թե՝ զավակ, անսահման երախտապարտ են ձեզ՝ ձեր հոգատարության, անափ համբերատարության և մեր շրջապատն ավելի գեղեցիկ ու ծաղկուն դարձնելու համար:
Երախտապարտ ենք ձեզ՝ հերոսներ ծնելու, շնորհակալ՝ հայոց պետականության սյուներն ամուր պահելու համար. չէ՞ որ ամուր է այն պետությունը, որն ունի ամուր ընտանիքներ, իսկ ընտանիքների ամրության երաշխավորները դուք եք, սիրելի՛ կանայք:
Վստահ եմ, որ ազգապահպանության կենսական այդ առաքելությունը հայ կանայք կշարունակեն միշտ՝ մնալով հարատևման երաշխիք` թե՛ հայրենիքում, թե՛ հայրենիքից դուրս։
Սիրելի՛ կանայք և աղջիկներ, կրկին անգամ ջերմորեն շնորհավորելով՝ մաղթում եմ խաղաղություն, առողջություն, երջանկություն ու բազում հաջողություններ:
