Լոռու մարզպետի աշխատակազմ

Սիրելի՛ լեռնապատցիներ,
շնորհավորում եմ Ձեզ համայնքի օրվա կապակցությամբ:
Լեռնապատը մեր մարզի հնագույն բնակավայրերից է, կայուն ավանդույթներով և հերոսական անցյալով մի համայնք, որի հպարտությունը Ղարաքիլիսայի ճակատամարտում և Հայրենական մեծ պատերազմի ժամանակ հերոսաբար ընկած քաջորդիներն են, մշակութային հարուստ ժառանգությունը և մտավորականների ու այլ հայտնի գործիչների աստղաբույլը:
Վստահ եմ, համայնքի բարի ավանդույթները շարունակական կլինեն, կփոխանցվեն սերնդեսերունդ և լեռնապատցին իր ազնիվ աշխատանքով կշարունակի շենացնել իր պապերի բնօրրանը:
Մաղթում եմ Ձեզ բարեբեր տարիներ ու տոնական բազում օրեր:
Հաջողություններ Ձեր ընտանիքներին, սիրելի՛ լեռնապատցիներ: