Լոռու մարզպետի աշխատակազմ

 Լոռու մարզի գյուղատնտեսության ոլորտի հարգելի՛ աշխատողներ,
ջերմորեն շնորհավորում եմ ձեզ Գյուղատնտեսության աշխատողի օրվա կապակցությամբ: Գյուղատնտեսությունը եղել և մնում է մեր երկրի զարգացման, հասարակության բարեկեցության ապահովման կարևորագույն ոլորտներից մեկը, և դա է պատճառը, որ կառավարությունը հետևողականորեն իրականացնում գյուղատնտեսության արդիականացմանն ու բարեփոխումներին ուղղված ծրագրեր:
Խորապես ծանոթ լինելով գյուղատնտեսության բնագավառում առկա դժվարություններին՝ ես բարձր եմ գնահատում յուրաքանչյուրիդ տքնաջան աշխատանքը: Վստահեցնում եմ, որ այսուհետ դուք աջակցություն եք ունենալու որակյալ ու բնական գյուղատնտեսական արտադրանքի ապահովմանն ուղղված ձեր աշխատանքում: Գյուղատնտեսությունը մեր երկրի, մեր մարզի ռազմավարական ուղղություններից է, ու կառավարությունը ջանքեր չի խնայում այն զարգացնելու համար: Պետական աջակցությամբ իրականացվող շուրջ մեկ տասնյակ աջակցության ծրագրերը միտված են ոլորտի զարգացմանը, գյուղատնտեսությամբ զբաղվող մեր քաղաքացիների խնդիրների լուծմանը, նրանց եկամտի ավելացմանը:
Մենք վստահենք, որ երկրի զարգացումն ու հասարակության բարեկեցությունը կարելի ապահովել նաև ժամանակակից, նորարական գյուղատնտեսության միջոցով:
Ոլորտի արդիականացումը մեզ համար այսօր ամենակարևոր խնդիրներից է: Միմիայն ժամանակակից տեխնոլոգիաների և մեթոդաբանության միջոցով կարող ենք այս ոլորտում լուրջ արդյունքներ գրանցել:
Մենք հետևողական քաղաքականություն ենք վարում գյուղատնտեսության ենթակառուցվածքները զարգացնելու, գյուղատնտեսական կայունությունն ապահովելու և ռիսկերի նվազեցումն ապահովելու ուղղությամբ:
Սիրելի՛ գործընկերներ, ևս մեկ անգամ շնորհավորում եմ Ձեզ՝ մասնագիտական տոնի առթիվ, մաղթում եմ անսպառ եռանդ, բարօրություն և բարքառատ տարիներ: Վստահ եմ, որ մեր սերտ համագործակցության ու համատեղ ջանքերի շնորհիվ մեզ կհաջողվի արձանագրել գյուղատնտեսության ոլորտում նոր հաջողություններ ու ձեռքբերումներ: